王敏奕为糖妹雪卵打针 坦言：紧张到手震

etin

艺人王敏奕昨日（29日）盛装现身中环品牌时装活动，身穿一袭低胸抢眼裙装的她，甫到场便吸引众人目光，透露自己锺情于简约优雅吊带裙风格，又强调拣选服饰时最重视的并非“性感”而是舒适及自我风格的展现。谈到近日有报道指她为好友糖妹“打针”雪卵，王敏奕表示紧张到手震：“我听佢讲好多年㗎啦，我觉得佢有呢个谂法想去做呢件事，我一直都好支持佢。虽然我个人冇办法陪佢飞去台湾进行呢件事，我都好庆幸佢有一Part系返香港要Support嘅，佢都系畀一个机会我去参与。”她坦言对于“打针”一事自己也心生畏惧，甚至形容针头的长度令人心惊：“我打都手震㗎，啲针原来咁长㗎，都惊啊，唔系嗰啲短嘅针。”被问到有否考虑冻卵？她坦白回应：“暂时未有需要。”提到老爷曾志伟卸任无綫高层后，王敏奕表示未闻对方新动向：“我都冇独家消息，临近新年希望可以大家放个假先啦，有啲咩都新年后再继续，过一个新嘅一年、好嘅一年再出发啦。”她透露工作未受老爷卸任而减少，对即将展开的新项目充满期待：“其实都好好彩嘅，即系有啲好好嘅机会啦，嚟紧都会有新嘅Project，都觉得系好有兴趣嘅，好期待可以快啲同大家见面。”