龚嘉欣长文自爆身体出事 生日愿望：身体健康

etin

艺人龚嘉欣喺《企业强人》中饰“方芳”一角，凭犀利喊功被网民封为“泪之女王”嘅佢，演技备受肯定嘅同时，亦系今年台庆视后嘅热门人选之一。而不知不觉入行16年嘅佢，日前亦喺社交网晒出多张唯美嘅庆生照，只见着上纯白露肩上衣嘅佢，尽骚香肩锁骨之馀，典雅气质更系相当抢Fo，同时龚嘉欣大方分享生日愿望道：“我嘅生日愿望就系，希望我身边嘅每一位都身体健康（包括睇紧嘅你）！”并透露自己近期身体检查时发现身体有啲毛病，但经过多位医生嘅尽力帮忙，令佢情况得到改善，虽然龚嘉欣未有透露详细病情，但就安慰大家道：“虽然仲未返到去最佳状态，但系我会努力养好自己身体，大家唔使担心！”此外，强调自己系“典型工作狂”性格嘅龚嘉欣，表示往后都会更专注努力演艺工作之馀，亦为可以继续做自己锺意嘅事而感到开心、充实，最后亦为自己订下新一年新目标：“又大一岁啦，希望我哋继续互相陪伴，亦都希望自己可以参与更多社会公益活动，呢个都系我新一年嘅目标！”