胡定欣心思思做设计师 梦想有自己品牌

etin

视后胡定欣一身黑色型格打扮，出席好友胡曦文新店开幕，获对方送赠一只七彩腕表。自言曾有意当时装设计师的她透露：“佢会出个手袋，有叫我试吓设计，最终我畀咗少少意见，佢就用咗我最锺意嘅紫色，再印埋我嘅英文名缩写上去，我觉得好好玩呀。睇吓迟啲有冇机会合作，将NW（其英文名缩写）变成一个品牌。（佢送畀他只表贵唔贵？）我收礼物冇问价钱，应该都OK（贵）嘅。”

谈到首饰珠宝收藏，定欣表示受身边好友影响，近年开始储手表：“保值啲嘛。其实我试过买纯金表，原来真系好重，我戴过一次就换咗。（今年咁好成绩，会唔会买啲嘢奖励自己？）如果有机会，都系唔错嘅选择，套剧拍得咁辛苦喎。阵间埋柜枱度，睇吓有冇靓嘢，应该有个好靓嘅折扣。”袁伟豪与太太张宝儿亦带埋囝囝“袁咕碌”现身。现场宾客众多，袁咕碌竟完全不怕陌生人，且不时哈哈大笑，又目不转睛望实电视机，样子相当可爱！原来今日乃“袁咕碌”1岁正日生日，袁伟豪指日前已为儿子开了个小型派对庆祝，并邀来一班圈中好友及星二代参加。

​张宝儿则透露儿子正学行：“我私心就唔想佢咁快行，因为听闻爬行对BB嘅脑部发育比较好，同埋佢生日嗰日，竟然识得自己捧起个饭碗食饭，系佢送俾自己最好嘅生日礼物。”问到是否正努力为儿子追个妹妹或弟弟，张宝儿即转问袁咕碌是否想做哥哥，袁咕碌搞笑地即时拧转面，引得哄堂大笑，袁伟豪又开心自爆儿子牙牙学语先叫“爹爹”。提到黄翠如宣布怀孕，他表示替萧正楠夫妇高兴：“翠如系我好拍档，我哋拍《使徒行者2》，一路睇住佢成长经历，依家知佢哋多咗个身份，好期待我哋嘅小朋友将来一齐开party。（翠如有冇去你个仔生日会？）冇嚟到，但我哋久唔久都会一齐食饭嘅。”