李施嬅唔睇好王浩信攞视帝：商业角度会捧第2个

etin

艺人李施嬅以嘉宾身份出席食肆开张活动，透露食肆老板曾投资其单曲，稍后再推出另一首自己创作的新歌，预料对方也会继续支持。刚完成《金宵大厦2》的她，表示下月将飞加拿大拍剧，暂定年三十晚完成，适逢年初一为农历生日，有意于当地庆祝兼度岁，她说：“妈咪喺多伦多，但依家疫情好劲，每日千几宗确诊，都担心，会买定晒消毒用品，剧组都会做好晒安全措施。”

对于有指无綫为造就王浩信攞今年视帝，结果陈展鹏主演及有份唱主题曲的新剧《唐人街》被迫让路，施嬅表示：“应该系花边新闻。（即系王浩信冇得拎？）有机会，佢演技好，但商业角度就会捧第2啲人，浩信演技大家认同。（关合约事？）唔知。（之前你离巢都传过合约问题？）冇，我走得好舒服，冇压力，大家关系好好，亦都冇经历过公司雪藏，我离开嘅时候系断晒合约，低调地走。”

谈到好友胡杏儿于综艺节目赢得年度最佳演员奖，施嬅大赞对方叻女：“好叻，唔只演技，仲有语言，咁短时间背晒国语嘅对白，好流利有晒感情，胡说八道会得佢一个做到，为佢感到骄傲，迟啲等佢返嚟庆祝。”​