陈凯琳自爆选港姐不快经历 筹款被迫笨猪跳惊到依家

etin

前港姐陈凯琳为老公郑嘉颖诞下2名囝囝，除咗相夫教子，更与KOL雪姨经自家营护肤品牌，事业家庭两得意。近日陈凯琳与雪姨到5星级酒店总统套房，大玩快问快答环节，除咗即席晒琴技，又模仿老公郑嘉颖于无綫剧集《铁马寻桥》经典表情，更大爆不为人知的秘密！

主持问到如能回到过去，会叫18岁嘅自己唔好做啲咩？陈凯琳直言当年挂住读书，人生只去过2次Club，后悔玩得少！雪姨讲到人生中最想一尝Skydiving（跳伞），陈凯琳讲番2016年为慈善节目筹款时挑战笨猪跳，原来当时惊到坐咗喺地下：“跳完之后觉得好似跳楼，冇勇气再跳多次，我冇喊但真系好惊，坐咗喺地下，个感觉好痛苦。但嗰次系一个慈善活动，跳完就会筹钱。”笑言：“啲人咁变态㗎，点解要跳完先捐㗎？”

虽然贵为港姐冠军，但陈凯琳对自己身体部位亦有不满：“最唔满意下巴，条颈太长，啲牙可以再直啲，指甲系BB甲，3岁小朋友嘅指甲。”至于参选港姐时嘅不快经历，坦言被传媒起底，令佢感到唔开心：“屋企系点、有几多兄弟姊妹，我参选啫，又唔系我爹哋、妈咪去参选，呢样令我好唔开心。”​