同场避合照！陈家乐玩失踪 连诗雅解释原因系…

etin

艺人连诗雅（Shiga）参与无綫慈善节目《欢乐满东华2020》，并与绯闻男友陈家乐齐齐比并厨艺，不过Shiga却被安排与菊梓乔一组，事前已透过公关表示他们不会一起受访及拍照，不过Shiga谈起工作滔滔不绝，当提起家乐却浑身不自然，不断拉开话题。

Shiga透露节目内会与菊梓乔一起炮制龙虾汤，惟每次拍摄煮食节目也出现虾碌事，故寄望今次不要失手，问到可有信心赢家乐？Shiga笑说：“私下对队友有信心，对自己就冇，觉得会输畀全部人（有冇试过大家手势？）以前一齐拍过短片，有试佢手势，都正常，不过佢冇试过我嘅手势（点解今晚咁避忌？）想大家集中喺慈善度（首次大家同台？）唔记得，不过工作都冇咩尴尬（之前影到一齐做运动！）唔讲啦！都回应过，当日系约咗去郊外，食少少嘢（好甜蜜！）唔讲呢啲今日（咁开心都唔讲？）做慈善最开心（同家乐一齐好开心？）我同周柏豪一齐最开心，佢系我最爱嘅家人，佢都设计口罩，希望可以参与。”

问到是否做慈善便不可以与家乐合照？Shiga即推却指与公司同事一起拍大合照，那是否以后亦不会合照？她却表示：“将来事将来先算（公司唔畀影？）唔关事，今日系慈善活动嘛！同埋想大家专注我嘅工作（怕咗绯闻？）唔想特别去讲（结婚先讲？）咁遥远，到时先算啦！”

为避合照陈家乐玩“消失”

在亮灯仪式期间，一众歌手艺人包括连诗雅均有上台，但竟然不见陈家乐踪影，为避合照他们真的是招数尽出，但家乐接受访问时却称不介意合照：“我冇介意，撞到咪影啰，一阵睇吓有冇机会影啦！（被影到一齐食鱼蛋？）其实我哋一齐做完运动，我容易肚饿，佢咪陪我啰！（公开关系？）冇公开咩…（明朗化？）希望大家畀啲私人空间，唔交代太多，我哋各自都专注工作（公司畀压力？）我哋都会保持住呢个状态，约吓做运动都几开心，公司冇畀压力，亦冇过问，（知道而冇问？）唔系，系公司觉得我大个仔，知我会专心工作，亦唔会过问私人事。”

去到比并厨艺环节，陈家乐与汤怡一组，Shiga则与菊梓乔、郑俊弘一组，虽然两组于同一水平线，但制作过程期间，家乐与Shiga均表现专心，未有望过大家一眼，即使及后各自拿制作品上前评分，二人亦刻意避开大家，未有站在一起。​