庄思敏分享母亲丧礼片 遭网民质疑蹭流量

etin

艺人庄思敏（Jacquelin）与庄思明（Lisa）的母亲江玉珠（拿汀江玉殊夫人），8月27日安详离世享寿82岁。庄思敏家人为母亲日前8月30日至9月1日一连三日举行悼念仪式。日前（2日）庄思敏在社交平台分享了母亲丧礼上的片段，除了曝光告别仪式华丽庄严的布置之外，亦见到片中穿上白色T恤及黑色西装的庄思敏步入礼堂，神情悲伤合十鞠躬，片段中亦有不少家人的珍贵合照。庄思敏发千字文悼念母亲，表示：“妈咪，你以前经常话关关难过关关过，有咩事最紧要一家人喺埋一齐。冇人会比我哋更清楚，你为咗呢个家承受同付出咗好多好多。呢份对家嘅坚持，你到人生最后一刻都冇放弃过。我哋好幸运，能够有你一位咁坚强嘅妈妈。虽然由细到大你经常闹我哋，但熟悉你嘅人都知你系口硬心软，我哋都知，有阿妈，唔使惊。
无论嘴上点讲，你个心都会为我哋着想，永远俾我哋依靠。而我哋都完美继承咗你啲一点，好多嘢我哋都净系摆喺心入面冇讲到出口。今日我哋好想俾你知，妈咪，呢咁多年嚟，令你操心操劳，辛苦晒！好多谢你做咗咁耐我哋嘅靠山，一直支持同保护我吔，如果冇你，就唔会有今时今日嘅我哋！妈咪，你放心，依家我哋都学识你嘅坚强，会好好照顾自己，唔好再咁担心啦。好感恩喺我哋成长嘅路有你照顾，教导，帮助，陪伴。而你锺意嘅食物，经常去嘅铺头餐厅，锺意唱嘅歌，你嘅笑容，你种种生活习惯同回忆将住陪住我哋之后嘅人生。能够成为你嘅仔女，系我哋嘅福气。你接落嚟嘅路，要好好放低所有嘅牵挂同担心，将家呢个包袱交俾我哋。妈咪，好好上路，爹D同祖先会陪住你去极乐世界。我哋永远都会记得你，爱你。”不过片段却意外引起大批网民热烈讨论，表示丧礼上拍片感到不解，更质疑庄思敏博取流量，表示：“出殡都玩早拍晚播？真系跟唔到个潮流”。