张致恒展示手臂黑手掌 亲解唔拎综缓之谜

etin

艺人张致恒（Steven）与太太区燕雯（雯雯）结婚后四年抱四，即使曾陷经济拮据，但仍然咬紧牙关落力搵钱，养活一家，坚毅不屈的精神令人敬佩。曾做过地盘、搬运工人的他洗心勒面做好老公和好爸爸，昨日在社交平台分享了展示手臂和黑手掌的相片，意味着他透过劳力和汗水去换取收入，他表示：“首先我要感谢七师傅一直以嚟嘅帮助，因为冇佢嘅帮助，我都真系过得几困难，仲要多谢 曾经帮过我嘅咁多朋友，我只能够讲 对唔住依家嘅我仲未有本事还到钱，但系我从来冇忘记过每一个人嘅恩惠，亦都从来冇谂过唔还钱， 七师傅系一个好好嘅人 好有善心 成日都会主动问我哋过成点，都会问我嘅小朋友，有冇饭食，间唔中仲会买啲零食畀佢哋。”他表示现于一间大型电器连锁店工作，透露：“其实做咗差唔多一年嘅时间，呢一年里面我都好努力去做嘢，好多人问我点解唔去攞综援、申请公屋，其实公屋呢，就已经申请咗一段时间，但系呢个世界唔系话人多就可以快啲攞到屋，同埋我真系唔想去攞综援，因为我好锺意工作我好锺意做嘢，同埋我想提醒一下我系有四个仔，大嗰啲唔饮奶粉唔代表细嗰个唔饮奶粉，再加上我哋唔系饮贵奶粉，最细嗰个未戒到尿片，其实有好多嘢我懒得解释，要唔信你嘅人永远都唔会信你。”