陈滢蔡洁搞《Pillow Talk》 台上唱歌有压力

etin

两位女神陈滢和蔡洁早前宣布搅搅新意思，将于4月25日在澳门演出《Pillow Talk》，昨日首度公开官方海报，海报上2人脸带微笑拿着枕头，营造出闺蜜之间心有灵犀的画面。为准备演出，陈滢和蔡洁将时间表重新调整，除必要工作外，其馀大部分时间也预留练歌和练气，期望在台上把最好的表演带给大家。问到会否感到压力，陈滢表示当然有，始终第一次在台上唱歌，“不过朋友知道我开show都觉得呢件事好新奇，我会努力做好呢个演出，唔会令每一个入场嘅观众失望。至于我会唔会转跑道去唱歌，暂时应该唔会，我始终都系比较锺意做演员多啲，不过依家有个咁好嘅机会畀我，我唔介意去尝试。”

蔡洁同样表示紧张：“因为我哋两个真系冇喺舞台上面做Show嘅经验，我希望可以发挥好我拣嘅歌，可以讲到一啲故事畀入嚟支持我哋嘅观众听，呢啲故事系关于由我出道到依家嘅一啲想法同改变，所以我希望做好呢一Part，大家睇完之后又有共鸣，我就好开心㗎！” 至于歌单方面她们就大卖关子，陈滢表示希望让来睇骚的观众场有惊喜，蔡洁表示会在社交平台开放点歌，“大家如果想听我唱咩歌都可以留言，我会尽力去拣一啲大家想听嘅歌去唱，但我都已经拣咗部分歌出嚟，到时见到班fans唱畀佢哋听，又可以玩吓游戏倾吓偈，同大家渡过一个愉快同精彩嘅周末晚上。”