AI入侵娱圈抢饭碗 胡杏儿张家辉绝桥反击

etin

近年AI发展一日千里，短剧、影片， 甚至AI 艺人应运而生，有网民担心人工智能将取代艺人工作，相关话题更成网上热话。一众艺人面对AI冲击，普遍并不抗拒，更想出“妙计”抗衡，影帝张家辉爆友人玩“网骗”呃AI，胡杏儿亦指人与人之间的温度， 可赢回焦点，关嘉敏与叶茜文则觉得“真人骚”可链赢AI，各出奇谋大搞“人类反击战”！人工智能（AI）于娱圈发展迅速，电影公司、电视台均朝着这个方向发展，古天乐旗下公司早前与科技公司合作，成功生成一条全新的测试影片，当中有“古天乐”及“刘青云”的画面， 与真人近乎一模一样，故事亦有一定连贯性，足证AI在创作上愈见进步；TVB继去年推出首部AI生成短剧《在我心中，你是独一无二》后，今年将全力进攻，推出多部AI微短剧，当中包括《N-DAY 毁灭日》、《被出轨的人》、《社畜求生101》，其中《被出轨的人》已推出，剧中更起用3名新AI演员郑卓丹、苏莉、谭尹婷，TVB更为3位AI演员开设社交平台帐号跟粉丝互动，花尽心思吸人气；导演王晶日前受访亦承认计划开拍AI电影，预备3 月在影视展作公布。

AI演员、作品来势汹汹，网民都担心会扼杀演员的工作，近日不少艺人都谈及有关AI的问题，普遍对新科技不感抗拒，但当然亦有想对策抗衡，张家辉表示：“AI诞生系好神奇嘅事，我冇谂对同行有冇影响，反而系谂点样去利用。我之前同朋友倾偈， 佢有个好特别嘅概念，佢话自己有同AI倾偈，喺AI身上好快得知好多嘢，但你愈同佢倾得多，佢愈理解你，佢会导向你做某啲嘢，所以佢开始同AI讲大话，唔好畀佢太了解你，我觉得几有趣。（新人机会会更少，因为可以由AI生成？）我都系相信，我锺意睇人多啲，因为人嘅表演唔系一个数据化，唔系个规定嘅演绎，你有机会睇到一个人做得啱或者唔啱，都系一个人嘅表演，唔系AI咁根据数据，一定畀到个好准确嘅表演你睇。”

胡杏儿跟张家辉想法一致，觉得毋须太担心AI演员抢饭碗，只是大势所趋，但同时觉得AI难以取代真人：“我哋系有血有肉，大家一定会分得到，情感取胜。（如果想你授权肖像拍戏， 你会接受？）冇乜所谓，当然如果真系签晒约，我都欢迎。”而向来多谂头的邓月平同样不介意跟AI竞争，更笑言：“我可以反过嚟扮番AI，收番AI价，可能畀观众更有趣嘅感觉，同埋投资者能够以开心价用到演员，可以双赢。”至于早前凭《女神配对计划》抢人气的叶茜文与关嘉敏，不约而同觉得“真人骚”演员的真实反应绝对可以链赢AI，叶茜文表示：“我觉得真人骚系一个好好嘅市场，因为人类情感系AI唔可以取替，所以我觉得做多啲真人骚。

以目前科技细腻度未去到咁劲，人系未输，仲有生存空间。而且物极必反，好似时装咁， 以前兴过之后会再兴，当AI充斥住呢个世界嘅时候，啲人会想要啲有质感、有共鸣嘅嘢，人又会返出嚟，冇一个绝对永远，所以唔系太担心。”关嘉敏认同：“人嘅灵魂始终冇嘢可以取代，以我呢种性格锺意讲烂Gag，但AI系唔会突然讲一个烂Gag出嚟。AI系好方便、好用嘅嘢，真正去取代一个人，我觉得系好难，拍剧都可能可以用AI，因为有剧本，但对于啲冇剧本，例如综艺、真人骚，冇办法真正做到。”