王祖蓝介意老婆似自己 李亚男唔排除重返幕前

etin

艺人王祖蓝与太太李亚男昨日（11日）出席活动。谈到祖蓝于《万千星辉贺台庆》当晚扮“演艺界特朗普”陈百祥（阿叻），化身“精装明星炒人队”并唱出改编自《我至叻》：“我入公司炒晒啲阿Head！”、“今日我咁搞、预咗畀你炒”，尽抽阿叻和无綫总经理曾志伟水，祖蓝笑言没有特别用意纯属搞气氛，他说：“讲真几过瘾嘅，其实原来TVB都唔系咁方丈啫！你谂吓我嗰日企晒喺啲阿head面前讲呢件事，佢哋又批喎，我觉得几好吖，都叫做一个进步，哈哈！”他笑指很爽，又指事前全部高层也有看过他们的彩排，更大方的叫他尽管去玩：“其实呢一行就系咁，你玩吓我我玩吓你，大家大方嬉笑怒骂，就系香港娱乐嘅精神。”他笑言期待阿叻再发表伟论便可再玩。


谈到近日有多位资深艺人如罗兰及郭晋安等离巢无綫，祖蓝认为要分几方面去理解事件：“一个系年纪的问题，其实我谂好多演员去到80、90岁，一个系佢哋对表演嘅热诚，另一样系身体问题，要睇身体系咪承受得到，如果真系得嘅部头形式都冇问题，最紧要尊重前辈演员嘅选择。”他指现时有多种合作形式，正如自己也不在无綫网页的艺员名单中，但自己也不时回无綫帮忙：“其实我依家都自出自入㗎啦。（仲系创意官？）我依家咩形式都得㗎啦！就咁返去做艺员，耐唔耐返去帮下手咪得！我觉得我哋好多人都系咁，老东家，如果大家系好朋友，仲维持一个好关系，随时要，我随时可以返去，其实依家我哋同TVB嘅关系都唔系用一份合约去绑住，我都唔系一份合约但我都返去。” 问到李亚男会否有兴趣从返幕前？她直言若有适合的也不介意，提到有网民指她样子愈来愈似老公，问她会否介意？祖蓝即笑指自己很介意，李亚男説：“即系我哋好有夫妻相，我哋仲系好恩爱啰！”她笑言不会嬲，祖蓝即卖口乖説：“喺我心目中永远都系咁靓！”



另提到袓蓝早前在内地节目自爆担心只能活到46岁，问他现时心态可有改变？祖蓝坦言经过大埔宏福苑大火惨剧后，不单止自己，相信全香港人也不想再有后悔，会珍惜每一天，又透露因今次的不幸事件，自己有份筹办的“普世欢腾星光夜”演唱会曾考虑取消，不过当收到一些来自海外观众反映，表示届时会回港渡圣诞同时更想为香港送上祝福及安慰后，便决定继续举办，并透露演唱会的名称由原定的“普世欢腾星光夜”改为“普世平安星光夜”，他说：“因为大家喺呢段时间都需要平安，演唱会内容同舞台都会有修改，会删除一啲欢腾、缤纷嘅装置，改为倾向安慰、平安嘅感觉。”他坦言作出改动难需要额外开支，但认为不要紧，因节目会在海外不同华人的地方转播，由于大家也很关心今次火灾件事，内容能够回应大家的关切才是最重要：“钱预咗蚀，其实唔系为咗赚钱，譬如杜丽莎老师佢都好关注呢件事，都话即刻改咗啲歌，佢打电话嚟同我讲我都即刻喊，我话多谢你呀老师！”