《女神》富二代闪婚新娘唔系关嘉敏 罗毓仪嬲爆质问

etin

无綫真人骚《女神配对计划》成功撮合多位圈中女神，当中叶茜文（Sophie）同罗毓仪（Yuki）分别与曾展望（GM）及林俊其（Kris）配对成功，公开放闪CP值满分，更带挈众人代言、商演做到冇停手。当中另一备受关注嘅女神关嘉敏（Carman）最后保持单身，拒爱富二代黄家俊（Matthew），不过好在节目后仍保持“了解中”状态，仍然有机会脱单。点知一转头，日前（11日）Matthew无预警下晒出一辑婚纱相，女主角竟然唔系关嘉敏，令人非常意外。节目入面对关嘉敏展开猛烈攻势嘅佢，本身已获关爸爸邀请中秋节上门食饭，虽然最后关嘉敏因开工而未能成事，但外父政策已见成效。如今佢晒出“闪婚照”，关嘉敏好友罗毓仪都睇唔过眼，火速派嬲留言质问：“下！点解唔系carman？”原来Matthew辑婚纱相只系模特儿工作，佢都亲自留言解释目前仲系单身，又表示：“冇人搵我同Carman”睇嚟襄王仍然有心，系唔知神女有冇梦呢！