唐佳离世众星哀悼 唐诗咏感错愕黄宗泽哽咽痛心

etin

资深艺人雪妮的丈夫、著名武术指导唐佳前日（23日）从高处堕下，撞及路边铁栏，导致身首异处死亡，享年88岁。多位合作多年的艺人均对此消息表示不舍，当中曾在剧集《铁拳英雄》中饰演雪妮养女的唐诗咏，接受访问时直言感到非常错愕，亦曾见证唐佳与雪妮的恩爱表现：“听到消息都好伤心，佳哥好好，平时佢会陪住雪妮姐一齐开工不特止，唔单止照顾雪妮姐，仲好照顾我哋，有啲乜嘢都会提点，叫我哋饮多啲水呀，佢系一个唔多嘢讲嘅人，平时开工都只会好静咁照顾雪妮姐，但我哋都唔知雪妮姐有胰脏癌，所以都好shocking，都唔知佢哋发生咁大件事。”

黄宗泽亦留言指自己刚入行就认识唐佳，对方更曾半夜攞药酒帮自己捽，铁汉柔情叫自己做“阿仔”，对方离世令他非常痛心：“刚入行，我咩都唔识，您教我点拍戏！我受伤了，你半夜攞药酒过嚟我房话要帮我捽药酒，如果唔系以后会有风湿！你喺厂见到我拍戏拍到好攰，您话做一个演员一定要照顾好自己！您仲会好温柔咁叫我阿仔。 。 。 。呢啲点滴滴我到依家仲好记得！喺您身上我学识咩叫铁汉柔情。 。 。 。我哽咽，我痛心……只希望一切安好！”汪明荃留言：“佳哥，愿你一路走好！雪妮姐，你要保重呀！”陈山聪留言：“南无阿弥陀佛 永远记得你对我们后辈的关心，每一个问候” 乐易玲留言：“伤心.... 伤心....难过....难过....悲泣”徐荣及汤洛雯则上载合十emoji，以表哀悼。