连诗雅做人妻收晒火 黄浩然任老婆发泄怒气

etin

艺人连诗雅（Shiga）与黄浩然相识多年，二人于音乐剧《三·八》合作演夫妇，曾演过舞台剧的Shiga，笑指那已是远古历史，加上今次是音乐剧，是很不同的体验。至于浩然则表示自己是零经验：“舞台剧、唱歌、跳舞都冇经验。”他坦言现场演出有很多变数，跟拍剧完全不同，感谢团队于事前设立工作坊，令大家更容易进入状态。谈到剧中Shiga要面对一个“大细路”的老公，她笑言现实中每一位男士包括老公陈家乐也会有这一面：“不论咩年纪，去到某啲位，同一班兄弟走埋一齐玩就会变到小朋友咁。”她指老公性格若喜爱上一件事便会很热衷，例如对足球、演戏等，会像小朋友一样：“会睇到佢团火好大，好似个年轻人一样，不过我觉得自从生咗女之后佢系有转变嘅，始终佢要照顾多一个小生命，你做乜都会影响到小朋友。（但老公啱啱成立队足球队。）其实我好欣赏佢咁热血，讲真人越大你可能对好多事情会麻木，但我老公唔系，我都有去睇佢哋踢波，落住雨都照踢，好热血，所以我系欣赏嘅。”

浩然亦表示认同，认为作为演员必需要有一颗童心：“如果唔系你好难做落去，童心意思系譬如我好锺意探求一啲新事物，或者一啲新尝试，咁你先可以继续走你嘅演艺，今次演出有唱歌、有跳舞、有舞台剧，就是你全部都未接触过，如果我冇呢个童心、去玩嘅心，我就根本应付唔到，变咗受苦。”谈到夫妻相处之道，与太太结婚20年的浩然认为懂得取舍很重要，笑指婚前收工会约朋友去玩，但现在会将时间留给家人。谈到生活上难免有摩擦，他笑谓：“依家大错我应该唔会，哈哈！其实大家相处好多时会‘老奉’咗，冇咗感恩就好容易出问题。”

Shiga亦认同要有感恩之心，虽然跟老公结婚只有2年仍处于蜜月期，但时刻会提醒自己要感恩：“老公揸车接我放工，我会同佢讲辛苦你啦，我煮饭畀佢食，佢会话辛苦你啦老婆。”Shiga又表示拍拖时，两人吵起架来会可以很激烈，婚后虽然少了很多，但若果真的吵架老公是那种要立即面对面解决的人，但自己是需要立即离开冷静的人：“我会同佢讲你畀我冷静吓。”笑指曾试过隔住房门互传短讯去解决纠纷。浩然表示自己亦是要立即解决的人，但方式有点不同，会选择不反驳，让老婆将怒气发泄出来：“因为通常都系我唔啱，冇得驳，领嘢心虚就自然冇嘢讲，哈哈！”