Twins北美巡演遇6级地震 阿Sa跳上床避难阿娇大觉瞓

etin

组合Twins北美巡演去到最后一站RENO，但上周开骚前却遇上当地6级地震，庆幸地震时间很短便停下来，大家也安然无恙。地震发生在早上十时许蔡卓妍（阿Sa）还在睡梦中：“我本来仲瞓紧㗎，突然听到房门‘啪啪’声，最初以为有人拍门，然后发觉窗门都摇紧‘啪啪’声，我打电话问工作人员，系咪地震呀？佢哋仲笑我发开口梦。但见到我房浴缸，我放咗一缸水等空气唔好咁乾，成缸水都摇到有波浪，我好惊呀，未试过感受到咁强地震，即刻就跳上床缩咗喺一个头顶冇任何嘢嘅地方啰。我唔知震几耐嘛，间房天花板上面有个大灯，好彩盏灯又冇乜点大摇，但我都惊佢会跌落嚟。”阿Sa事后问其他工作人员，在房间的人都感觉到地震，她说“唔怪得到埗之后，有一个工作人员，喺酒店用指南针踱方位，几次都踱唔到，我哋仲讲笑话，系咪有鬼。应该系地壳喺前一日已经慢慢移动紧，所以就踱极都怪怪咁。”至于，阿娇就一点也感觉不到地震，她笑说：“我瞓紧觉，真系乜都感觉唔到。哈哈。”

这次北美巡演Twins到尼瓜拉瓜大瀑布影相，阿Ss在社交网放了她们17年前合照并笑说：“想唔认老都唔得。”歌迷则留言指两人像没变过一样，和17年前一模一样，阿Sa笑说：“歌迷成日问我，系咪冇食饭，点解咁多年个样冇变。点会冇食饭，我喺今次北美巡演已经破晒戒！又过生日，所以咩甜嘢、炸嘢、淀粉质都唔理啦，全部食齐，哈哈。返香港就要‘还’啦，要戒返口同做番运动。”Twins于RENO演出后便返香港工作20日再于英国伦敦OVO Arena Wembley演出，阿Sa指完成英国演出后才能放假休息。阿娇返香港则飞到北京工作，对于歌迷大赞保养得好，阿娇表示：“好耐冇试过同阿Sa一齐巡演咁耐，好开心，今次行程冇咁密，大家都有一齐去行下街，影吓相玩吓，细个成日一齐出埠工作嗰种感觉返晒嚟，好珍惜今次旅程，唔知下次会系几时。但系无论将来会唔会再有巡演，我哋两个都永远会系好朋友啰。”