台庆颁奖礼︱陈自瑶角逐视后激动落泪 叫王浩信醒目啲投票

etin

陈自瑶（YoYo）昨日出席无綫《万千星辉颁奖礼2024》记者会，着露肩贴身裙的她凭《婚后事》角逐“最佳女主角”奖，在台上发表感言时，她一度感动落泪，其身边的张曦雯即加以安慰。她接受访问时，解释落泪原因时，一度哽咽：“其实初时都冇乜嘢，但我谂上台要讲乜嘢时，好多感受同画面就喺脑里面涌现，我就同自己讲唔好玩煽情，讲少两句唔好讲咁多嘢，怕自己忍唔住，但我见傅嘉莉喊，情绪畀佢牵动咗我，虽然我唔系喺台上攞奖，只系提名都好感触，因为前几日我啱啱攞咗20年金牌，个金牌对我意义都好重要，冇谂过时间过得咁快咁就20年，现又提名女主角，我等咗20年先有机会企喺呢个界别度，（之前都有提名过？）之前提名只系一个演出单元，嗰个唔算喺一个剧集，对我嚟讲意义唔系咁重大，真系以主角身份企喺台上，呢个系第一次，所以特别感触。”她又谓回想过去多年，觉得演员好被动，不知自己可有机会再任女主角及好角色，所以自己所说的全是真实说话及感受：“我呢20年试过好多唔同嘢，做演员，主持，现又做直播主播，但回顾番我最锺意都系拍剧，所以希望将来自己继续有机会。”

​她更特别鸣谢《婚后事》监制及编审给予她重要角色及发挥机会。问到可有信心摘下视后宝座？她坦言：“我唔可以讲自己完全冇信心，但难得喺度都畀少少信心自己啦，真心今年对手太强，好似阿怡（杨茜尧）嘅《黑色月亮》，系神级演技，其实大家仲记唔记得《宫心计》，有两大女主阿怡同佘诗曼，当时我只系阿怡其中一个宫女咋，娘娘一出，我呢个宫女（就机会低啲）。”可觉得如《婚》在年头播出较输蚀？她直言：“有少少嘅，无论大家会唔会投我票，我都好想多谢支持《婚》成个剧集嘅观众，当时我收到好多留言话锺意呢出剧集，我都呼吁大家投我一票，（有冇叫家人投你一票？）我教佢哋用手机投啦，（朋友呢？）都会，为呢个难得机会努力吓啦，系我第一次角逐，（老公王浩信同个女呢？）系啦，自己醒目啦，我个女都唔知我提名，今天先出名单，我唔知自己有冇机会，所以头先讲咗感言先。”