黎耀祥视帝唔易做 37楼半天吊玩命

etin

即将迎来入行40年的视帝黎耀祥，于新剧内与合作无间的视后胡定欣继续擦出火花。他形容今次角色性格与本身相似，一样随遇而安，即使做足一世“低级演员”亦会自得其乐。蓦然回首自己的演艺路，他坦言投入演戏根本“冇嘢唔得”，且试过被吊出37楼半空，玩命地只为完成一个镜头的拍摄！黎耀祥于无綫台庆剧《巾帼枭雄之悬崖》内扮演“柴十七”一角，不少剧迷对角色名字产生好奇，他为大家解开疑团：“呢个名同‘柴九’系冇关系嘅，但好有深度，源自易经81数理，意思系随遇而安，坚定不移及勇往直前，其中随遇而安同我本身性格相似。”他表示今次最难忘全剧于内地作实景拍摄，与女主角胡定欣屡次合作尤见默契，对于外界指对方的演绎与邓萃雯异曲同工，他即为对方发声：“其实边度似啫？大家耐心睇，细味吓就知嘞！”

谈到今次筹拍过程当初深受疫情影响，前后横跨足足5年，他承认：“如果当年开镜嘅话，可能好多嘢都会唔同，不过我就多咗啲人生阅历，容易啲理解呢个复杂嘅剧本。”性格随缘的祥仔自言本身大志欠奉，蓦然回首当初决定入行，心态只是“唔系谂住红，而系谂住做到死嗰日”﹕“当年中学毕业入无綫做文员，谂住安安稳稳过埋呢一世，但际遇嘅嘢真系好得意，要发生嘅自自然然就会发生。训练班出嚟觉得自己咁嘅衰样点会红吖？当年梁朝伟、苗侨伟同刘青云呢啲做紧主角呀，不过做低级文员得1,800蚊月薪，做演员有3,000蚊喎，仲要返工做自己锺意做嘅事，即使一世做低级演员，我都冇嘢输㗎！”直到今时今日，祥仔形容自己性格依然害怕陌生环境，甚至有点社恐，幸而不停的“角色扮演”，觅得一个很好的保护壳：“即系可能现实生活中我都喺度扮演紧黎耀祥㗎！（边个先系真正嘅你？）喺屋企啰，唔系点讲嘢嘅时候。

​好彩拍戏时我系冇嘢唔得嘅，真系好少拒绝监制嘅要求，记得当年我同郭晋安拍《谜情家族》，最尾嗰场戏我哋喺37楼拍，佢哋问吊我出去得唔得，我答点解唔得？所有嘢好临时咁决定，连威吔都好土炮，惊断就喺栏杆加块纸皮石咋。（好惊？）入咗戏唔会谂呢啲嘢，过咗去就唔记得嘞！”谈到近年刻意减产，一年只拍一部剧，祥仔指有计划想留多点时间去学习生活：“做咗咁多年演员，真系冇乜私人时间㗎，好难静心咁去做番自己，同埋了解吓黎耀祥到底系点样嘅一个人。（知未？）慢慢搵到嘞，依家得闲会去吓旅行、搵吓书睇。（系咪继续永不言休？）个世界唔同咗嘞，电视唔系唯一嘅娱乐，坦白讲如果我一直只系配角嘅话，可能可以咁样一世，但依家唔系我话想演就得，都要睇吓跟住嘅机会，我都唔知下一步点行㗎，都系嗰句随缘啦！”