黎耀祥苦练“水蛇春”对白 海俊杰奸到出汁乞人憎

etin

由艺人黎耀祥(祥哥)、胡定欣和萧正楠等主演的台庆剧《巾帼枭雄之悬崖》昨晚一集继续高潮迭起柴十七（黎耀祥饰）在股东大会上一轮嘴数落新爷，兼且句句中point，绝对大快人心！该场一气呵成的两分钟数落海俊杰场口，祥哥将“三吋不烂之舌”的“枭雄”特征展露无遗，不少网民看毕大叹爽爆。虽然场口对白水蛇春咁长，但拍剧向来专业的祥哥，受访时透露自己于每组分镜的拍摄都是一Take过完成：“嗰场戏全部镜头都系一Take过（完成），呢啲戏如果断开咗感觉会冇咁好，一Take过就唔同镜头拍出嚟嘅嘢先可以接番好啲。同埋因为标哥写嘅剧本好流畅，好有逻辑，好顺序，记起上嚟唔系好难嘅，唯一系啲数字、人名啲资料性嘅嘢，要努力啲去记住。”

谈到另一场与定欣齐齐被困棺材的重头戏，祥哥又大赞剧组准备充足：“（点解可以拍到真系摇吓摇吓嘅效果？）剧组有整定弹弓喺棺材下面，再喺外面搵人摇，咁样拍出嚟都几有真实感。同埋个棺材系特登订造架，因为要瞓两个人。”至于拍剧资历长达29年的海俊杰，近年凭借演坏角色深入民心，其中《星空下的仁医》的“衰院长”周振尧一角，更让海俊杰获得最佳男配角提名。今次海俊杰饰演的新爷同样乞人憎，过半数表情都是衰衰格格，处处针对亲妹七爷、狗眼看人低兼恶人先告状之馀，又实力欠奉、贪恋酒色兼小心眼，“扰攘程度”直逼《巾帼2》经典角色梁非凡。