女儿获赞靓过沈月 翁虹唔敢当：各有特色同风格

etin

艺人翁虹日前（26日）与周志文现身慈善活动，问到会否叫女儿刘莳（小水晶）参与时，她表示言传不如身教，一直有教导女儿要回馈社会，帮有需要的人，若对方时间许可，乐意母女档行善，提到她之前指家中是更年期大战青春期，问到女儿会否不肯听她说话？她说：“做慈善系唔可能唔听，反而会增加大家嘅情感，调和番。（屋企充满火药味，老公做和事老？）真系辛苦佢啦，佢夹心饼咁要伤脑筋，好在囡囡喺内地读书，所以OK。”

​另外，女儿获赞最美星二代，甚至赞她靓过邱淑贞女儿沈月？翁虹说：“千祈唔好咁讲，沈月都好靓，各有特色同风格，佢系第一代，我个女未成年，仲有好多向佢学习，佢系榜样。（囡囡咁靓，会唔会入行？）靓唔系一定要入行，除咗外在条件，仲要睇有冇兴趣，因为做艺人唔系容易嘅工作，要热爱同专注，否则好难坚持，而且佢仲细，现时以读书为重，读完书佢再选择，佢系独立个体，任何选择都好尊重佢，最紧要佢开心。”多在内地工作的翁虹称若香港有合适工作，也乐意接受，任何对手都不是问题，最重要是角色及剧本。

周志文与刘佩玥的绯闻传足6年，但二人一直未有公开恋情，近日二人被捕获在西贡玛头约会，他表示：“嗰日去陈滢生日会，上船前一齐去买水。（会唔会有机会发展？）好满足依家状况，一直关系咁好唔需要有任何变化。（咁可能影响其他异性想追你？）我冇呢方面考虑。（如果女方出手会唔会考虑？）感情方面讲感觉，冇话主动被动，相信缘分。（佢系你锺意类型？）系好多男生非常喜欢嘅类型，笑容甜美、心地善良、工作成功、非常独立有爱心，佢见到小动物小朋友笑容好真挚，冇人会唔锺意。（传绯闻传足6年身边人比你紧张？）我冇乜谂，我好随意，冇谂出面嘅人点睇，问自己开唔开心最重要，多谢唔同人对我哋关心。”讲到刘佩玥已是一线花旦，但周志文却星途平平，问到将来若拍拖，是否要在事业上努力赶上？他自言会为自己而努力，又指除了演艺工作外，也有经营厨具品牌生意及网上平台：“我之前去咗马来西亚拍《无惧》两个半月，之后去咗内地倾嘢，系关于网络上，依家网上自媒体系大方向。”