卫诗雅首夺女演员奖 提醒大家：可以搵我演戏

etin

演员卫诗雅（Michelle）日前（23日）于澳门举行的第39届华鼎奖中凭英皇电影《破·地狱》获得第39届华鼎奖“华语最佳影视女演员”，去年凭《不日成婚2》首次获香港电影金像奖“最佳女主角”提名的Michelle，对于今次攞奖非常激动，认为无论任何奖项，对她来说都是一个肯定及被看见的机会，她说：“呢个奖对我嚟讲太重要啦！对演员嚟讲系一个肯定。亦都系提醒人哋：‘我仲喺呢行㗎，大家可以搵我演戏。’凭《破·地狱》呢套电影得到嘅奖项即系代表大家好喜欢我哋嘅电影，所以好开心。”

​Michelle被问先拔头筹会否增加来届金像奖提名的信心，她坦白说：“感觉会实在啲，信心系高咗嘅。”Michelle在电影中饰演一名救护员，她指角色无论在体能及心理上都有很大发挥：“心理上嘅话就系大家睇过呢套电影就会明白嗰种沉鬱，长时间培养沉鬱嘅情绪，每日同屋企人好多矛盾、好多争吵，所以嗰段时间系难过嘅；体能上除咗要练一啲仪式上嘅嘢，亦都要人做好多体能体力嘅训练，因为角色系一个救护员，自己对呢方面要求比较高，好希望最贴近个角色，所以有嗰一刻开始我每日都去做gym，嗰段时间体能真系几好，同埋大只咗好多，经过呢啲瞓练，之后我真系可以‘称”到个人上救护床。”

戏中最难忘的是跟许冠文拍摄一幕洗澡戏，学敬业乐业：“Michael神喺戏入面饰演我爸爸，有一场戏系我要帮佢冲凉，我记得拍摄嘅时候系冬天，好冻，所有剧组都担心，佢反而话：‘唔紧要㗎，你哋拍到OK先。’佢为我哋嘅画面、剧情需要行先，好唔锡身咁样，我又心痛，觉得好深刻又觉得好犀利，好尊敬佢，喺佢身上面绝对学到乜嘢叫做敬业乐业。”此外，方中信则凭电影《金手指》于第三届澳涞坞五大洲电影节金莉花奖获得“全球最佳男配角”奖项，对于得奖他指十分开心，但认为奖项并非属于他一个人，是整个拍摄团队，大家一起努力的成果，最难忘是一场戏中他被杀后伏尸泳池的拍摄：“我记得拍嗰阵时系冬天，其实都几冻，我要趴喺水面，啲水喺鼻涌入去，系呢样嘢辛苦啲，我都着咗潜水衣打底其实都OK嘅，问题不大。导演佢哋都好好，安全措施做得好好，搵咗两个潜水员喺池底Stand by，放晒啲氧气樽，好安全，但系要孭住啲铅带，因为要做到半浮沉嘅效果，恐惧就冇，因为我都有潜开水。

唯一系惊个假发会甩，哈哈。”卫诗雅在《破》中有场当街被艾妮兜巴狠掴的场面，戏内卷入感情瓜葛的Michelle停机机后面带泪水，掩著左耳，感觉耳鸣及镇痛，但仍笑说：“被人掌掴，我不敢㗎啦！”在旁的艾妮则抵死说：“不要抢我老公啦，我会打多你十巴㗎！”拍摄时Michelle被掌掴了不下7次，完成“打戏”后，连导演陈茂贤也大表心痛，指每take都被她的演出感动，无奈为了效果更好，只好为难Michelle一次。当拍摆“打手”艾妮即上前慰问正用纸巾抹泪水的师姐，担心她被打伤。Michelle不单没有投诉，反而赞赏她说：“痛啊。但好好呀，正因为痛才好，让我尽情地演。你好叻、好大胆！”艾妮见师姐赞赏即笑问说：“我打人好有天份吗？”Michelle不禁被她逗笑起来，两人揽作一团。而第一次做“打手”的艾妮则惊叹师姐的精湛演出，趁机偷师。