连诗雅女儿被猛男包围 陈家乐变“呷醋外父”望到实

etin

艺人连诗雅（Shiga）7月时为老公陈家乐诞下宝贝女陈星颐（Camila）后，成功在3个月内极速收身，一度成为网民热话。其实世上只有懒嘅女人，没有丑嘅女人，就系因为Shiga够努力做运动，先至拥有仲瘦过未生之前的蛇腰。呢一日，Shiga带埋老公同囡囡去健身室准备动起来，不过Camila得3个月人仔咁细个，当然做唔到运动，唯有担当“公仔”嘅角色，被靓妈抱住影靓相，再放上社交网晒命。而Camila嘅出现，引起现场哄动，见两位猛男似乎垂涎BB女嘅美色，好似乌蝇褛蜜糖咁左右“夹”住Shiga，但对眼神就系望实她怀中的Camila，仲有位“T裇男”忍唔住出手，和Camila握手仔做个好朋友添。至于一直在Shiga背后的家乐，虽然冇出言阻止囡囡身边的狂蜂浪蝶，但全程好似保镳上身咁，高度戒备嘅眼神，再加肢体动作即不停围住妻女身边，做足防抽水措施，相信家乐将来亦是“呷醋外父”。