林峯为演唱会“加操” 传“城寨4子”开贺岁片：唔会参与

etin

艺人林峯昨午到坚尼地城出席经常帮衬的健身中心开幕礼，吸引大批粉丝到场追星。明年5月将于红馆举行演唱会的他，不讳言近日忙于“加练”：“呢度最好就系近我屋企，一个礼拜至少有3、4日喺度。（讲晒出嚟搞到粉丝同你一齐做运动？）好呀，唔紧要。”受访时林峯坦言正有电影及电视剧剧本在洽谈中，故稍后未必能勤于健身，故目前一有时间便“打底”先。当被问到是否打算届时骚肌，他答：“又唔一定，最紧要系配合表演啫，唔会度一样嘢嚟除（衫），系以舞台表演及艺术欣赏角度为主。”他透露明年3月便会正式闭关开会及排练，到时便知流程如何，现场会预订最多5至6场左右。当被问到红馆如今很多限制，林峯即答：“红馆已经系我开过演唱会嚟讲，自由度最大嘅场地，不过安全措施一定要做足，希望可以俾多啲嘢观众喺现场感受。”

谈“城寨4子”有机会拍摄贺岁片，林峯坦言：“我应该有其他工作，唔会参与，但都系好事嚟。”至于叶念琛执导的另一贺岁片《麻雀女王追男仔》找来林盛斌扮“信一”，而许绍雄扮演“龙卷风”，林峯即笑爆：“正喎，搞到我好想睇，通常作品大家留意到，先会再有二次创作。”至于太太张馨月日前上载往澳门欣赏其演唱会，搞到上海豪宅意外曝光，林峯笑说：“嗰度小朋友同屋企人住，小朋友喺上海读书，嗰度活动空间大啲，同埋我觉得嗰间学校几好，最紧要小朋友开心。（咪好挂住啰。）我有同佢视像，同埋最多两个月左右，就返去睇佢一次。（演唱会太太喺台下热舞喎。）佢主要都系去澳门吃喝玩乐，顺便睇演唱会啫，咁佢都锺意郁吓（跳舞），都有运动天赋。（俾佢做埋dancer？）玩同做嘢系两回事呀。”