卫诗雅抛剑险破相 出席影展获赞影后级表现

etin

艺人卫诗雅（Michelle）有份主演的英皇电影《破·地狱》定档11月14日上映，戏中Michelle饰演许冠文的女儿，家族世代从事喃嚤工作，为了在戏中呈现这一重要文化传承，导演在开拍前就特意安排许冠文、Michelle及朱栢康接受破地狱仪式的训练。在最新花絮片中，纪录Michelle与戏中饰演其哥哥的朱栢康接受特训，二人不仅要学会手持白幡的技巧，还需熟练掌握破地狱仪式中的多项复杂动作，训练过程并不轻松，许多动作对身体的协调性和力量要求很高，长达九个月的特训中，Michelle除了上堂以外，亦经常在公园里和回到家中练习：“最惊系练唔练得切，因为确实好多师傅同我讲，佢哋真系练咗成三四年先做到，所以成日反而担心，够唔够时间做到。”谈及训练期间的挑战，Michelle 坦言最难的是抛剑，更险些破相：“把剑对我嚟讲几重，试过抛剑落嚟差啲剑尖直插面前，我一手挡住，手爆开咗，依家仲有瘌，如果挡唔切，可能把剑就会落喺块面度。”

她笑称只有手部受伤经已很幸运：“好彩我反应快，护住咗块面。”这次意外令Michelle更警惕训练时的每一个细节。另一大挑战，就是背诵大量的经文，因为仪式中需配合经文超度先人，Michelle表示：“剧组拍咗好多经文嘅片畀我前睇，所以返屋企我经常都系听住经文嚟练习。做gym嘅时候，人哋听音乐，我就听超度嘅经文，一边做运动一边背诵。返屋企我仲会成日对住镜子口噏噏，好似念经一样。”《破·地狱》未上映经已获多个海外影展关注，首个出征的就有第44届夏威夷国际电影节，并于当地举行世界首映！导演陈茂贤与Michelle日前亲赴夏威夷出席电影节一连串活动，原来Michelle此行更是第一次在大银幕欣赏电影全片，大呼紧张：“好紧张，第一次喺大银幕度睇，我哋嚟喇夏威夷！今次系我第一次喺大银幕度睇，因为之前都系喺细嘅银幕仔睇部份片段，今日喺正式戏院睇，观感上放大咗多过十倍。”

而Michelle亦喜见不少前来欣赏电影的香港人，有种他乡遇故知的感觉，她指：“头先最开心就系我见到好多香港人，佢哋话好难买飞呀，其中有一个观众话买唔到飞，爸爸都嚟唔到睇，下一场放映都已经满座。”二人被问到能否适应时差，Michelle笑言：“我喺飞机冇瞓过，瞓唔到因为太兴奋，头先出发前喺酒店补眠两个钟，精神好好，因为仍然喺期待嘅心情入面。”，而导演则指：“夏威夷嘅日落好靓，所以喺酒店望出去不停影相，冇特别休息，影到开始天黑就开始预备好心情，出发同观众交流。”导演更笑言内心最担心Michelle首度睇全片的反应，他说：“呢部戏系需要喺戏院睇，观感上会好唔同，我比较担心Michelle睇完戏马上要做Q&A承唔承受到。”