谭俊彦似只牛一味冲 爆同张曦雯发生不愉快事

etin

视帝陈豪、谭俊彦、龚嘉欣、张曦雯和姜大卫等，昨日（10日）到南昌代表无綫剧集《企业强人》出席宣传活动。龚嘉欣在活动上表示剧集对白好多，所以在背对白上有一定难度：“要背成十几张纸，不过最惊嘅系John哥（姜大卫）佢坐喺度望住我，我好惊会累街坊，但可以同John哥对戏系好难得。”又表示姜大卫其实好好，会经常万岁请食饭。谭俊彦和张曦雯透露在拍摄剧集前期曾有发生不开心的事，只因二人是首次合作，初期并不熟悉，信任度不足，所以需要磨合，张曦雯言：“佢有佢嘅睇法，我自己都有睇法，我嚟到好多时佢已经同导演倾好咗，再加上我个人好执着，尤其一个女性喺咁多男性嘅环境之下，更加要企硬，为自己争取。”又谓自己比起谭俊彦资历确实比较浅，所以受到质疑都好正常，不过幸好最后都做到自己想要的效果。

而谭俊彦则解释指自己做事横冲直撞，像牛一样乱冲，所以吸取了今次教训，现在拍剧都会向对手备案：“就好似上次我同李佳芯拍剧，我都提前同佢讲定话我系只牛嚟。”再加上他自身与导演曾经合作拍过多部剧集，所以好多时候都会直接和导演讲出自己的想法：“因为拍摄时间唔多，咁所以一嚟到我就急，我谂到啲咩我就直接讲，但我又唔可以夜晚谂到啲咩又打畀张曦雯，唔通我凌晨1点、2点打畀佢咩？”不过自此之后，谭俊彦都会主动和张曦雯讨论，又表示有就此事件向张曦雯耍冧道歉。​问到谭俊彦有否请张曦雯食饭赔罪？谭俊彦就表示在深圳开工拍剧的时候，大家经常会请食饭，而张曦雯就爆谭俊彦居然拿着一盒沙律向自己赔罪：“我望住人哋食啲嘢好丰富，而我就系蒸番薯，蒸粟米，跟住我问佢点解要买菜畀我，不过其实佢好细心嘅，佢特登买畀我。”而谭俊彦则笑指起初误会了见张曦雯身材好，以为对方在吃方面好严格，所以才搞出呢个大头佛。

​另外，提到被视为“魔音”的陈豪于剧中大展歌喉，在旁边的龚嘉欣指其实是她逼着陈豪唱，还推荐陈豪参加下一季的《中年好声音》，而陈豪解释其实剧本都有写要他唱歌：“导演有叫我唔需要唱，但系我练习咗咁耐，梗系要唱啦。（练咗几耐？）10年，今次系小试牛刀。（乐坛欠你一个交代？）我对佢有交代就真。”早年陈豪与黄德斌和林保怡合唱歌曲曾勇夺奖项，龚嘉欣即表示自己都有与罗天宇凭歌曲《逆流直上》夺奖，又见胡定欣和黎耀祥最近亦合作为新剧《巾帼枭雄之悬崖》唱插曲，所以都好想和陈豪一齐为剧集唱插曲：“唱主题曲压力比较大，所以可以唱插曲试吓。”陈豪即搞笑地指作为一个歌手，接受任何挑战。至于近日陈豪太太陈茵媺在社交平台晒出靓相，网友纷纷表示太太长了肉肉，幸福肥，陈豪即力撑妻子说：“佢嗰几张相真系特别靓。”又言不抗拒太太再拍戏，称太太演喊戏的功力和龚嘉欣不相上下：“佢哋都系停咗机之后都可以继续喊。”