连诗雅产后首公开亮相谷奶升Cup：系我BB食物嘛！

etin

歌手连诗雅（Shiga）、锺柔美（Yumi）和张进翘昨日（6日）出席公开活动，为现场观众献声。这是Shiga产后首次公开露面，一脸幸福的她更成功收身，加上上围升Cup，得天独厚令人羡慕，不过受访时她却表示磅数还未回复到产前，所以觉得仍需努力。谈到升Cup，她笑说：“系我BB嘅食物嘛。（谷奶辛唔辛苦？）其实都几㗎，不过我好感恩，之前都担心过唔够奶水，依家都托赖几多吓！（见你都抽到好多袋奶。）依家都储满一个雪柜，不过BB饮得好快，几餐就冇咗好多。我有埋身喂嘅，觉得嗰种感觉好Sweet。（有冇乘机影裸照收藏留念？）冇呀，唔会谂到呢样嘢，只会觉得自己系泵奶机。”

她又指自己2星期前已开始逐步复工：“好彩屋企好多人睇住BB，老公（陈家乐）亦已经返咗嚟香港。（佢系神队友？）佢慢慢学习紧，我逼佢一定要学帮BB冲凉、换尿片同喂奶，佢慢慢可以喇。”她又爆家乐非常重视囡囡，已将打机放于第二位，当被问到会否“乘胜狙击”再追多个，Shiga坦言想先休息及工作，稍后再计划生育，预算希望只生两个。谈到好友黄翠如被传有孕，Shiga答：“我呢排好少见到佢，亦都冇特别问，因为觉得如果有好消息自然会知。（囡囡啲衫有人接收？）我屋企已经有人要，因为家乐妹妹有咗，仲要系龙凤胎，真系好开心。”

至于Yumi尚有3个月才年满18岁，不过近日她拍摄剧集《特勤女团》时，已献出“萤幕初吻”，她笑说：“嗰场戏系讲我接受人工呼吸，都系借位拍嘅，多谢经理人喺现场陪我壮胆。由于是借位关系，Yumi的初吻其实幸保不失，问到是否打算留给初恋男友，她腼覥答说：“可以咁讲，顺其自然啦！”目前因为学业再加拍剧，曾经试过连踩3日完全缺乏休息时间，她坦言：“真系崩溃，辛苦到喊咗出嚟！（有冇信心可以抽到时间，完成埋呢几年嘅学业？）要畀自己信心，如果真系太辛苦嘅话，我会同公司反映㗎喇。虽然今次拍摄辛苦，但台前幕后作得好开心，好似陈滢同张曦雯咁真系好Nice。”至于校园生活， Yumi表示已经开始适应，问到有否男同学主动“抄牌”，她笑答：“分组做project算唔算？早几日我同几个男同学分成一组，大家有倾吓功课啰。”