陈晓华传年底嫁朱敏瀚 春风满面：再了解下

etin

前港姐冠军陈晓华(Hera)早前盛传与朱敏瀚秘密拍拖两年，更指两人已见家长，传于年底到外地结婚。一直“潜水”未有回应的Hera昨晚到尖沙咀出席无綫剧集《金式森林》庆功宴，春风满面的Hera虽然断言否认婚讯，但却心花怒放“游花园”兜圈避谈与朱敏瀚是否拍拖，又指未了解淸楚，要再了解下。如沐春风的Hera被问到是否有爱情滋润﹖她说：“因为煞科之后喺屋企瞓足12个钟，所以变返青春、可爱、活力嘅我。（系咪同朱敏瀚年底结婚﹖）梗系唔系啦，之前因为喺外地拍完嘢返香港就开始病，见到呢单新闻，都谂紧点覆，但系病情好严重，决定继续瞓觉。（从来都冇同朱仔拍拖﹖）依家都系做嘢为先。（咁同朱仔系咩关系﹖）啱啱拍完剧，有时间都想了解吓身边嘅人，了解下。

​（感唔感觉到佢追你﹖）大家都系倾吓偈，做嘢为先，我啱啱先煞科咋，边有时间，煞完科就再睇下点啦，哈哈。（会唔会突然闪婚？）一定唔会。（缘分到唔抗拒？）我一直都唔抗拒，虽然事业为重，但系可以同步，只系一直未有缘分。（择偶有咩要求？）我系怪嘅，一拍剧就会消失，冇咗影，对于维系一段关系都系麻烦。（朱仔系咪你锺意类型？）未了解清楚，再了解下先。（觉得朱仔点﹖）界定唔到佢系咩类型，监制教我有啲嘢唔可以睇表面，要认识得清楚啲，了解得耐少少先可以下定论。（你好似晕晒大浪咁？）点会呢，我煞科真系好开心。”