庄思明北京亮相时装周 心郁重踏T台

etin

无綫艺人庄思明日前到北京出席中国国际时装周活动，更于现场接受内地传媒访问。同场还有艺人伍咏薇。庄思明以一身白色装束示人，大骚长腿，高贵大方。思明接受访问时谓：“好开心、荣幸获品牌方邀请出席睇骚，我咁大个女都系第一次去呢啲大型fashion week睇骚，自己抱住一个半放假心情出发，因为我都有10几年冇去北京，可以话系寓工作于娱乐，都有半日时间可以出去观光同食吓嘢，(男友杨明有一齐去？)有呀！咁啱嗰几日有时间，佢又有朋友喺北京，所以大家都有食饭，对我嚟讲系一个好兴奋嘅旅程。”问到庄思明有否想过自己行骚时，她谓：“睇骚时真系有谂番以前细个做part time model啲嘢，以前未入行都有行过骚，当然冇咁大型啦！但都勾起少少行catwalk嘅瘾，当年选港姐时主题系行catwalk，当时好多呢啲表演，所以自己都有心痒痒，希望之后有机会可以再行吓啦！”