陈自瑶阻人瞓觉 遭星二代“兜锤窝面”

etin

艺人陈自瑶上月底生日，日前（15日）佢嘅好姊妹连诗雅同黄翠如，为佢补祝生日，而刚生完B嘅连诗雅仲带埋B女陈星颐（Camila）嚟同佢贺寿，陈自瑶留言：“今年多了一位小美人和的庆祝，我们仨变成我们四了。”相中睇到Camila肥肥白白，仲有个勾鼻，个样似足爸爸陈家乐，佢着住动漫《鬼灭之刃》中的祢豆子BB衫，可爱到晕，而陈自瑶见到Camila亦母爱大发，不停𢭃Camila玩，搞到本身好眼瞓不停打呵欠嘅Camila劲唔耐烦，最后送陈自瑶“兜锤窝面”做生日礼物，相当搞笑！陈自瑶都留言话：“被星星打了1拳。”网民纷纷大赞Camila好得意、“好可爱，星星都会看镜头”、“BB潜台词：两位Auntie影够未，我已经好攰啦”。