陈山聪被囝囝甜言冧爆 陈展鹏收囡囡惊喜画作：好Sweet

etin

无綫3位视帝陈山聪、陈展鹏及袁伟豪自从做了父亲后，性格及人生转变亦很大，山聪的囝囝Jaco及展鹏的囡囡小猪比转眼间已分别4岁及5岁，至于袁伟豪的囝囝袁咕碌刚刚7个月大，父亲节来临，他们心中别有一番体会。

山聪一有时间就会黐住Jaco，访问时更流露出爱子之心，坦言享受做父亲的每一天：“佢依家已经4岁，佢识得凼你，讲啲好窝心嘅说话，好似有一日佢突然同我讲：‘爸爸，I Love You’，真系好冧，我觉得Jaco系一个好聪明嘅小朋友，同埋佢好冷静嘅，好少会大喊大叫，佢好似好明白每一样我教佢嘅嘢咁，所以我呢个爸爸系好Enjoy嘅！”

而展鹏的前世情人小猪比向来精灵可爱，他谓：“佢依家学识画画，今年仲画咗幅画送畀我，送嗰阵仲畀Surprise我，所以真系好Sweet，我差啲眼泪都流埋出嚟。”问到对女儿有甚么期望？他谓：“当然希望佢快高长大，开开心心。”

至于荣升父亲的袁伟豪迎来首个父亲节，日前与囝囝来个首次下水礼，肉腾腾的袁咕碌毫不畏水，更玩伸脷仔，相当可爱。说到袁咕碌周身肉时，袁伟豪谓：“佢都几重手㗎！依家都有9kg重，我就可以单手抱，但宝儿有时都会抱到手痛。”