麦明诗马尔代夫蜜月相曝光 性感比坚尼大玩背影杀

etin

“十优港姐”麦明诗同盛劲为于3月举行完隆重婚礼后，2人不时透过社交网分享幸福点滴，早前去咗马尔代夫度蜜月嘅2人，日前亦将蜜月点滴剪成短片同网友分享，大晒7日新婚旅行嘅甜蜜旅程。住喺水上屋嘅2人，打开落地窗就有无敌海景喺眼前，餐餐犹如自助餐等级嘅丰富美食，令唔少网友睇到流晒口水外，最煞食嘅莫过于麦明诗着比坚尼嘅性感背影及白滑长腿，而2人嘅恩爱互动亦引嚟唔少网友留言道：“你哋甜到牙痛，闪到眼盲。”、“很喜欢你们，祝你们白头偕老，永远幸福！”