钟嘉欣入场欣赏旧爱伍允龙新片 Proud of him替他高兴

etin

女星锺嘉欣前晚（27日）现身酒店出席美容仪器代言人续约仪式。她表示今次回港约佢多星期，问到早前是否到戏院捧前男友伍允龙场，欣赏其演出的电影《九龙城寨之围城》？她表示日前趁空档入场支持香港电影，支持戏中所有演员：“有好多好好嘅演员同好多新演员，呢个配搭好好，我睇完系咁Wow！Wow！Wow！点解咁好睇嘅！剧本写得好细心，有兄弟情、亲情，有香港歴史、标志性嘅嘢，个个都演得好。（伍允龙“王九”角色畀观众认同做得好？）太好啦！每个演员一直都系好嘅，而佢等到呢个角色，所以替佢好高兴，佢嘅价值一直都喺度，只系等待角色，他嘅发型又长又有型，角色好啱佢演，So proud of him！”
提到伍允龙赞她很有心支持，不过笑言就只获她一句“做得好啰！”问她会否觉得不够鼓励？她说：“只要我见到一啲嘢系好，我就会传短讯畀对方。”她指大家仍是好朋友，节日时会互传短讯祝福，问到老公有否呷醋？她表示不会：“我老公系好有自信，同埋我哋两个都专一，所以唔需要担心。（会约伍允龙食饭庆祝？）咁又唔使，我呢个几礼拜做咗好多嘢，拍咗个广告，去广州宣传，为咗演唱会开会，写埋录埋首歌，真系冇时间见朋友。”她透露8月10日在广州开骚，因十多年没有开过骚，现时心情既紧张又热血兼兴奋，因粉丝已等了她十多年。​她表示正为演唱会选歌安排歌单：“希望可以带畀大家正能量同回忆嘅感觉，因为演唱会叫《Remember 》，大家一齐回忆返嗰种好光辉、好开心嘅童年。”问到会否有香港站？她坦言这是她的目标：“做咗广州先，之后希望可以做埋香港甚至巡回。（会请嘉宾？）暂时未谂，因为太耐冇唱想争取更多时间唱歌畀大家听。”