萧正楠黄翠如落厨放闪 方力申睇到眼冤

etin

艺人方力申（小方）与黄翠如昨日（23日）为主持的无綫综艺节目《拍档厨房》进行录影，请来滕丽名（阿滕）及萧正楠任嘉宾，伙拍两位大厨炮制美食大骚厨艺。阿滕表示事前特意跟大厨上堂恶补厨艺：“今日其中一味餸要拆鸡壳，惊拆到散晒丢师傅㗎，所以上咗2堂学咗先，结果呢排每日屋企都系饮鸡汤，不过每煲有6只鸡脚，哈哈！（老公做白老鼠？）啲汤冇事嘅，我学拆骨啫。”平日素有入厨的她，表示一般家常小菜对她无难度，但为要俘虏节目评判故需要下点功夫。
小方大赞阿滕相当认真，早前更特意前来探班：“嚟睇吓点运作、点拍、评判系咪苛刻？仲试食埋添！”他表示对阿滕厨艺有信我，但笑言不能选她，因要让给拍档黄翠如先选：“佢话要避嫌，唔可以拣佢老公喎，其实睇住佢两个真系好眼冤！”他表示拍摄期间翠如不时望向老公，又偷笑又偷拍，暗地支持老公：“唔系亲眼见到都唔知佢两个真系咁恩爱，真系顶佢哋唔顺。（学番两招冧女友？）唔使！我喺你哋面前梗系扮Man啦，哈哈！”问到他早前被爆绯闻有否激怒女友？他笑谓：“冇，证明我哋感情好，知道我冇蛊惑。（系咪一早预备咗礼物赔罪？）冇，我唔系用礼物去凼女朋友，系用爱心、真心！”

提到小方指黄翠如跟老公萧正楠恩爱得令他眼冤，翠如否认其事，笑言就连眼神接触也没有：“唔系偷拍系明拍，其实两边嘉宾煮嘅食物都好靓，所以影低佢啫。”萧正楠透露在节目中会煮太太喜爱的咸酸菜炒菜甫：“因为有次外面横风横雨，屋企冇乜食材，所以煲咗粥，再加咸酸菜同菜甫餸粥，点知佢一见到就问点解丰盛。”身旁太太黄翠如即表示自己是潮州妹十分喜爱吃咸酸菜，又指今次是首次见老公劏蟹，因在家中从未煮过蟹，萧正楠即搞笑言：“我哋平时只食蟹柳，头先我整蟹，隐约听到尖叫声，唔知系咪你？”笑言发觉自己劏蟹时相当有型。翠如笑指老公经常会给她煮碟头饭，大赞老公调味功夫一流，又建议老公于结婚周年时可煮蟹庆祝。萧正楠即问她：“咸酸菜蟹好唔好？我整潮洲冻蟹佢食。”