连诗雅四肢纤瘦唔似怀孕7个月 陈家乐担心要求咁样做

etin

怀孕7个月的艺人连诗雅与导演彭秀慧做日（3日）出席美容活动，连诗雅四肢仍然纤瘦，她称体重已达人生高峰，现时不敢上磅：“上个月中磅过，重咗10磅左右。”被指上围升Cup最明显，她笑言：“呢个几开心，都系我人生高峰。（老公陈家乐好开心？）冇，佢冇乜留意，佢只系知我整个人都大份咗。我初期食得太多，体重升得好快，依家就会食得精啲，会拣高蛋白质嘅食物，咁就可以长胎而唔会长落妈咪度，我都好紧张，因为我唔想肥太多，但又想BB健康，BB依家系中码BB，所以都好感恩。除咗食高蛋白质食物，我都有做运动，我尽量行1个钟路，一星期几次。”
讲到她从背后看完全不似孕妇，令老公大为担心，她直言：“佢叫我着啲衫要尽量显到个肚，我明白，但我觉得最紧要系有型。佢又问我搭车时可唔可以攞个肚出嚟，因为我个肚佗得比较低，所以着松身衫时唔系好显肚，我去银行或搭车时都畀人怀疑我系咪有咗。原来银行有条队系咪孕妇，我问职员系咪孕妇可以优先，佢露出疑惑嘅眼光，我即时挺起个肚畀佢睇，有时搭地铁企得耐条腰好攰，我有时坐关爱座都唔好意思，我都会刻意凸个肚出嚟。”

问到何时停工，连诗雅希望可以做到最后，预产期预7月中，她坦言仍未准备婴儿用品：“啲赞助商好好，会送啲大件嘢畀我，奶粉同尿片都有人赞助，睇吓有冇朋友送啲环保嘅嘢畀我重用。”至今她仍未公布BB性别，她笑言用品统一买白色，计划多做两次产检后才公布。见她今日脚踏两吋半高的粗跟鞋，她称老公已禁止她穿斗零踭：“我每次出门口，佢都会叫我小心，又话记得叫同事扶你，佢今日要开工，否则佢都会陪我，咁我都想佢有工开，赚多啲奶粉钱。”而在台上当连诗雅透露还有2个半月预产时，台下的KOL反应愕然，因大家都看不出她已怀孕7个月。