卫诗雅闯影坛遇低潮 为求代表作剃光头都制

etin

女星卫诗雅自爆入行后曾遇“超低潮”，要“转行”做网红供楼，走在街上时途人竟忘记其演员身份。她谦称暂未有“代表作”，自言可以为拍戏牺牲，要增肥或剃光头都不是问题，又慨叹人生苦短，乜都想试！​卫诗雅足足努力了15年，今年成功与金像奬“结缘”，虽然最终在影后之争落败，但承诺会继续努力。回顾入行后的得与失，她感叹：“我真系好锺意电影，所以试过遇到低潮，仲要低得几紧要，都冇打算放弃！（几时？）拍完电影《失眠》之后啰，连续几年好少人搵我开工，但开始要供楼，好彩嗰时转战网上频道，拍片可以维持到生计，其实好搵过拍戏，但喺街途人认得我，都只系话因为有睇我拍嘅片咋。我当时喺度谂，自己系咪唔适合做演员呢？好似被影圈遗忘咗咁，有少少迷失。”

蓦然回道，她认为“迷失期”其实不算白过：“个天安排咗呢啲经历，系要造就依家嘅我。（凭《不日成婚2》入围金像奬，算唔算系代表作？）坦白讲，我入行拍咗4、50套戏，代表作似乎都仲未出现，因为睇番转头永远出嚟（效果）都会有啲唔满意。”她又直言只要遇上好角色，所有的“牺牲”其实不是问题：“好似增肥、狂减磅、光头甚至剃眉都可以，其实我试过同导演提议好似贾玲咁㗎，不过最终因种种问题，所以唔成事，我惨被拒绝呀。”她又慨叹人生苦短，因此乜都想试。她补充指与《不日成婚》系列的台前幕后合作相当愉快，大家已倾谈开拍《不3》的可能：“导演话想我哋年纪再大啲、有多啲经历先，依家男主角陈家乐都就嚟做爸爸，我谂会加快步伐。（羡慕佢有幸福家庭？）呢方面我唔会刻意努力，但如果出现我亦会欣然接受。”