|
Twins 14场演唱会早前圆满结束,近日蔡卓妍(阿Sa)公开后台换衫绝密片段,回顾一套套靓衫,并感谢一班幕后工作人员的付出,她还突然自爆有幕后伴唱,更竟同是圈中歌手!阿Sa发文先逐一多谢工作人员、司机等,再多谢工人姐姐照顾她及爱猫。她之后又重提自己声带受损多年,特别感谢师妹曾乐彤,原来对方于后台伴唱,令她成功“打大佬”:“我仲要非常非常多谢曾乐彤,1月20号第一次上台总彩排之后,我个人可以话灰到一个点。我把声仲未可以控制得好好但第二日已经系show day,佢本身系嚟帮手影吓相又做吓观众,但佢知道我嘅担忧之后,就自告奋勇话陪我一齐唱unison。第二日当佢把声轻轻喺我耳机里面出现,我又真系好似轻松咗喎。个感觉系好似打机有人陪你一齐去打大佬咁,第一日完咗show,我落台后即刻揽住佢喊。大佬呀!观众听唔到佢把声㗎!剩系得我一个听到,咁样佢都肯陪我唱足14场,仲唱到声都沙埋,实在太伟大喇!而我亦都可以慢慢将佢把声喺耳机度一日比一日咁调细声啲,我真系超级无敌感谢佢,大恩大德无以为报。”
|
|