钟嘉欣孖老公2人世界 又揽又孭兼坐大髀甜到漏

etin

前无綫花旦锺嘉欣同老公Jeremy先后诞下两女一仔，周不时都会带仔女周游列国，一家人相当温馨幸福美满。昨日佢又喺社交网晒出旅行靓相，不过今次就有啲唔同啦，撇甩仔女同老公去咗马尔代夫叹二人世界。佢喺贴文中写道：“有史以来第一次！没有孩子！多谢爸爸妈妈帮我们照顾3个Munchkins，让我同Jer可以去呢趟马尔代夫神奇之旅。”之后更透露2人喺马尔代夫放松享受自由嘅时光，做spa、玩浮潜、喺海滩散步，佢直言今次嘅旅程既美妙又浪漫。相中可见，锺嘉欣以短裤上阵，大晒一双白滑美腿，而老公则穿着背心短裤。Jeremy先系从后环抱住锺嘉欣，之后又孭起老婆对镜头大摆胜利手势，最后锺嘉欣更坐喺老公大髀甜笑，2人表现相当亲密，真系Sweet到爆！