杨千嬅开千人大派对贺“入五” 自觉人生冇遗憾

etin

歌手杨千嬅前日（3日）50岁生日，她选择与歌迷会一起度过人生半百这个大日子，搞了一个近千人的《MEET YOU AT THE HALFWAY MINI CONCERT生日限定》大派对，她选唱了平日甚少献唱的歌曲，让歌迷惊喜万分，又把自己这几年的经历及心路历程公开，用作鼓励所有爱她的朋友，希望大家面对困难时学识不要放弃，对话超级真情流露，让台前幕后及歌迷感动得跟着千嬅落泪，场面催泪。为满足歌迷想跟她庆生的愿望，千嬅用了两星期筹备是次粉丝聚会，台上她说：“我喺香港出生长大，我一早决定50岁一定要系呢度同家人及朋友过，好多谢你哋陪我过呢个生日，我真系冇谂过，自己唱歌会唱到半百，哈哈…除咗感恩、感激，呢段咁长人生路程，回头望系非常精彩，亦从没遗憾。

今日来得嘅朋友，我知你哋已经系我家人，感谢你哋多年来选择咗我，听住我嘅歌，同我一齐成长，我好耐冇喺香港表演，我唔想喊呀，喊完鼻涕又变痰，唱唔到好唔抵，哈哈！”期间千嬅大谈近年的自身经历：“我自己都经历咗好大考验，相信大家都目测到我嘅过程，感谢曾经好担心我嘅朋友，你哋唔使担心我，我过得好好！过程系好唔容易，但系我终于知道，杨千嬅出生就系要学识解决问题，我发现我回望人生，我都系笑比哭的多，都系开心嘅人生。过去嘅日子，经历高山底谷，得到好多养份同智慧，我今日好想分享畀大家听，之前嗰几年其实都几难过，你见到我唔系好出嚟，躲埋咁耐，时肥时肿，畀人影到畸形样，新时代网络风暴系一个好震憾嘅经历，我乜都遇过晒，几十岁人我同自己讲，有咩未见过？真系低处未算低，当我经过呢段日子，我发觉自己真系好强大，今日好感恩，上天畀我系有力气时，经历呢个浩瀚人生。”

她又分享情绪问题：“我都试过死顶，唔想畀人知我唔开心，刻意扮开心嗰阵，吓亲好多人，大家好担心我，嗰一刻我又迷惘又唔知发生咩事，好困扰。尤其见到自己啲音乐，CD碎到一地都系，个心好痛，我连朋友都唔敢再关注，你闹我冇问题，唔好闹埋我啲朋友，谂住一个人撑唔好害人，曾经我觉得好恐怖，所以首先选择熄机，唔好睇唔好理，唔好听，休息啦，畀自己时间消化。”她指全靠粉丝才令她再次站起来：“好多人PM我，比好多鼓励我，其中有一个歌迷，佢将我多年来上台讲得奖感受的说话，剪咗几分钟片畀我，好似成3分几钟，我一路睇一路喊， 原来我同人讲过嘅嘢，曾经帮到人，最后今日帮番我自己，我发现困难时只有系自己救自己，唔好放弃自己。面对任何困难，记住有心跳就有希望，不要放弃自己。”讲心声期间，千嬅多次死忍眼泪。