邝洁楹晒性感晚装似做新娘 网民揣测好事近

etin

无綫小花邝洁楹（Judy）与拍拖5年富二代男友Ricky感情稳定，佢近日于社交网大晒着上薰衣草色性感晚装嘅靓相，大晒事业线，相当养眼，着到咁靓十足新娘子一样，惹嚟网民揣测佢系咪好事近，问佢系咪结婚？而佢好友糖妹（黄山怡）亦有留言话：“第一眼以为…你…系新娘。”陈茵媺都有留言恭喜对方，不过邝洁楹就回覆糖妹话：“我谂我唔会用社交网话你知结婚嘅。”不过就依然冇直接否认婚讯。到咗昨日（28日）佢终于开估啦，佢晒咗条片写下：“When you ask your friend to take some photos for you.（当你请你的朋友为你拍一些照片）”原来佢只系搵朋友帮佢影辑靓相咋，一场美丽嘅误会，令唔少网民都大感失望，仲纷纷催佢快啲结婚添！