陈滢开腔为失踪成个月解画 周嘉洛迟大到狂耍冧

etin

艺人陈滢与周嘉洛昨早出席好友JW新店开张，惟两人姗姗来迟，先是陈滢摆大乌龙“游车河”去错地方：“我去咗上环店，JW系有派帖我嘅，系我疏忽冇睇到，所以真系唔好意思，我会买番1千杯饮料补数㗎嘞。”她又主动向记者表示“好耐冇见大家”，原以为她返回加拿大一段时间，想不到她眼湿湿表示：“我返咗去两个礼拜啫，唔出嚟系因为我只爱犬Diesel过咗身，我难过咗好一段时间，成个月昵喺屋企冇出街。（已经处理晒后事？）系，不过我真系好唔舍得佢，系一个好大嘅经历同打击，佢嘅离开令我反思人生，唔会再咁介意人哋嘅眼光，同埋冇咁执着小问题，懂得点样再去分配自己嘅时间。”至于周嘉洛足足迟足1小时，抵埗时狂耍冧，又直言要买2000杯“致歉”：“迟到有好多原因，但一定系唔啱，我都好紧急咁赶嚟，下个月我会攞晒成份粮嚟找数！（想跟JW学做生意？）紧系想，有钱边个唔想投资？”他与陈滢即卖口乖狂数JW优点：“佢系我哋几个中最识得理财及时间管理等等，份人又成熟对人又好，好有老板娘姿态，恭喜佢搵到份好适合佢嘅副业。”JW在旁闻得好友“擦鞋”，即无奈苦笑。