|
艺人龚嘉欣昨日(23日)到观塘出席新春活动,未婚的她在台上透露新年会继续派双封利是,今年34岁的她更自爆心急想生仔,她表示:“派双封利是系自己个姓,同埋真系开始心急想生BB,因为每次聚会都见到好多小朋友,前几日同陈凯琳啲囝囝出去玩,佢又好放心全程交细仔畀我照顾,我觉得好有妈妈嘅感觉。”嘉欣盛传与日籍甜品大师松冈哲也秘恋,她坦言做妈妈要有计划,叫她找松冈哲也生B?嘉欣边甜笑边无厘头表示:“乜都冇,冇话系定唔系,顺住行啦!(要种唔要男人?)唔好,我想要个家庭。(放风畀绯闻男友知?)畀所有人知。(逼婚生B?)唔会!”她又指身边朋友替她心急,又担心她明年要做高龄产妇,嘉欣表示:“佢哋系咁叫我快啲,最好唔好同佢哋啲小朋友年龄差太远,可以一齐玩,或者对亲家都几好。”
嘉欣又透露计划农历新年后一个人去旅行,心目中已有几个地点想去,她称:“朋友担心我一个女仔嘅安全问题,我就谂紧几个地方,本身自己好锺意metime ,可以坐喺公园一日都得,洗涤心灵。”开设甜品店的她,又获朋友提议她去澳洲,可以顺便试食蛋糕攞灵感,嘉欣则指:“或者夏威夷都好,希望最少留两个礼拜。(想有艳遇?)可以㗎,如果认识到朋友唔介意做文化交流,咩国籍都得,识多啲朋友嘛,不过我去旅行唔系呢个目的,只系想静吓。”另外,嘉欣和张振朗的《灵戏逼人》CP在马来西亚大受欢迎,所以本周六二人应邀到当地登台,嘉欣开心表示:“虽然台庆颁奖礼冇咗最佳拍档呢个奖,但观众仲好记得我哋,希望有机会拍《灵2》,剧情讲我已经灰飞烟灭,但我头先已经构思新剧本,阵间会同监制sell桥,希望新一年大家仲锺意我哋呢个CP,咁就可以一齐搵银。”
|
|