马国明与刘颖镟合作 ：我老婆话佢正身材够均匀

etin

艺人马国明、蔡思贝及高海宁等昨日（17日）到油塘出席《飞常日志》宣传活动，众人在台上大玩游戏，马明更重演海报上“壁咚”蔡思贝一幕，场面搞笑。事后马明接受访问，剧中周旋蔡思贝与刘颖镟之间的他，被笑艳福不浅，他指今次与刘颖镟较少对手戏，希望日后能再合作，期间他大爆：“我老婆（汤洛雯）成日话佢好正，身材又均匀，佢又成日赞内地演员肖战，因为佢近排锺意睇仙侠剧。（唔会呷醋？）唔会，每个人都有偶像。（你唔系佢偶像？）我都系㗎，佢好锺意我《On Call》嘅“一件头”㗎，上年又锺意我拍《隐形战队》嘅“Ocean”，佢都有锺意我作品嘅。”
被问到可会与汤洛雯“夫妻档”拍剧？马明笑笑口表示：“要问佢，同埋唔知有冇监制够胆好似搵陈豪同陈茵媺咁搵我哋拍，我就唔抗拒，但都要睇剧本点写，我系惊佢同我拍会忍唔到笑。（拍喜剧？）可以呀，佢模仿好叻㗎，睇睇吓电视会突然模仿人，仲要好似，如果撞到个角色可以畀佢发挥到会好爆。”提到二人上周在港补摆喜酒，马明指这是双方家长的决定，他说：“因为我哋苏梅嘅婚礼冇请亲戚，双方家长都觉得补返亲戚影相就唔会留有遗憾，会圆满啲。（制造两个人味道香水？）系我老婆意思，佢话想畀啲宾客留个纪念，所以我哋就各自调自己锺意嘅味道，最重要系特别多谢黄嘉乐太太为我哋嘅婚礼影相。”