林峯周秀娜4度合作再演情侣 负伤上阵大玩公主抱

etin

艺人林峯近日推出全新广东歌《无伤大雅》，之前因为疫情未能亲身返港拍摄MV，所以这次MV特别找来一直与林峯在电影及剧集合作无间、默契十足的周秀娜做女主角，二人饰演在一起很久的情侣，分手后男方一直默默关心及照顾女方，剧情非常催泪。​林峯说：“好有幸可以请到娜姐嚟做我嘅MV女主角，其实我哋之前有合作过电影、电视剧，但就系冇合作过MV，因为佢都好少拍MV嘅，所以好多谢佢今次嘅参与。”今次算是二人第4度合作，问到拍MV可有趣事？林峯笑言原来娜姐又轻又fit，因为MV入面有公主抱娜姐的情节，林峯直言娜姐应该是他合作过的女演员里最轻的一位，他笑言：“真系㗎，原本我谂住要扎行马咁，点知一抱嗰吓，哗，咁轻嘅⋯⋯哈哈！”

娜姐亦笑言：“当佢抱起我嘅时候连我都觉得自己好轻，佢咁轻而易举嘅。”原本娜姐好担心，因为知道林峯有脚伤在身，担心自己的体重会令他伤上加伤，林峯立即说：“呢排我因为脚伤冇操（体能），我都觉得你轻，所以你真系好轻。”谈到新歌，林峯形容十分难唱，他说：“呢首歌真系我做歌手以嚟数一数二难唱，连监制徐浩都话难。”林峯在拍摄现场一直练习歌词，他竟说：“因为我系一个歌词白痴嚟，我自己啲歌唱十年都记唔到歌词。”娜姐闻言感到惊讶：“点会呀，你3页对白可以即刻背到出嚟㗎喎？”林峯立即解释：“对白得，但歌词真系唔得，记歌词一直都系一件好难嘅事，因为歌词系一粒字都唔可以错，但剧本唔系，不过呢首歌反而我听过两次已经觉得歌词好易入脑，旋律又好易上口。”

问到两位2024年工作大计，会否分配多一点时间在港 ？二人说：“会呀，因为我哋嚟紧电影方面都会有合作，应该好快又会再见同埋电影里面应该都会有好多对手戏！”对于香港乐坛近年有不少新名字冒起，林峯坦言有留意同公司的乐坛新人，亦有意跟他们合作，娜姐即问林峯可有试过唱Rap？林峯表示：“曾经喺节目入面试过，私下去唱歌有时都会挑战吓，自问唔识但都想尝试，身边都有Rapper朋友”。​问到林峯和古天乐一直于萤幕上合作多年，会否考虑合唱？娜姐闻言立即笑说 ：“我好想听喎，哈哈！”林峯笑说：“其实我问过㗎，我提议话搵次不如我哋喺音乐上有啲咩撞到出嚟，因为其实古仔佢都唱得两咀，佢都好锺意唱K，有时我哋自己公司搞庆功，佢都会唱几首歌，我都希望睇吓同古老板喺音乐上可以有啲咩火花出到嚟。”