台庆颁奖礼︱高海宁凭《新闻女王》 大热膺“最佳女配角”

etin

今届“最佳男配角”和“最佳女配角”同样竞争激烈，去年凭《新闻女王》饰演“许诗晴（Cathy）”表现出色的高海宁（高Ling），以大热姿态在颁奖嘉宾谭耀文和姜皓文手上夺过女配角奖座，而今次亦是高Ling入行15年首次获奖，她在宣布得奖时已激动落泪，“Man姐”佘诗曼和李施嬅特别上前与她拥抱送上祝贺。
喊住上台攞奖的高Ling热泪盈眶，她表示很开心可以拿到女配角奖，并感谢《新闻女王》总监锺澍佳邀她演绎这个角色：“拍呢套剧可以同阿佘合作好开心，佢系一个好好嘅前辈、好榜样，我喺现场睇到乜嘢系专业演员，佢分享咗好多嘢畀我哋，我有好多得着，呢奖系成个团队送畀我，我冇令佢哋失望...我想将呢个奖送畀我婆婆，我入行15年终于攞到奖喇，仲有送畀天上嘅公公同爷爷、家人，多谢公司畀好多唔同角色我试，每一位演员都系等好剧本同角色，希望在座各位都等到属于自己嘅代表作。”
加盟无綫15年的高海宁（高Ling）在《万千星辉颁奖典礼2023》上响头炮，摘下颁奖礼第一个奖项《最佳女配角》，凭《新》剧中“Cathy”获奖的她，在后台受访时表现激动，她说：“我冇心理准备，其实我唔系好紧张，系平常心面对，但公布前一剧，阿佘话佢好紧张我哋边个攞（奖）时，都搞到我好紧张啰，（你攞奖时，阿佘感动到抹眼泪，）系呀，呢次系我同佢第3次合作，我真心觉得佢系好好嘅前辈，因为佢除咗会做好角色，仲会分配经验畀我知，喺佢身上学到好多嘢，系好榜样，亦系好好学习对象，无论待人接物或做人处事。”
她又指入行15年首次得奖，连当年参选港姐亦未有得任何奖项，问到如何庆祝？她谓：“我冇谂，啲人叫我谂定致谢词，但我都冇，上到台谂到乜就讲乜啦。”至于下一个目标是否向视后进发？她则说作为演员，奖项是鼓励，遇好剧本及角色最重要，同时要把握每个机会。她说到会带奖项跟外婆分享时忍不住落泪，直指奖项是最好的生日礼物，同时会将奖项送给天上的外公及爷爷，又谓：“虽然佢哋睇唔到，但佢哋会戥我开心，朋友寻晚（13号）已同我庆祝生日，今晚有朋友会喺酒店房准备埋香槟同我再庆祝。”问到得奖后可会专注事业而不拍拖？她就觉得缘分来时挡不住，但没有时就要把握好要把握的，首要做好自己。