台庆颁奖礼︱演活小角色！林子善夺最佳男配角一度跪地

etin

台庆颁奖礼最佳男配角揭盅，向来演活小角色的林子善凭《隐形战队》，爆冷夺奖，他在台上更一度跪地，他说：“呢个奖，一世人攞一次！”他更在台上多谢周星驰，又大卖口乖擦TVB鞋，非常识做！已变“喊包”的他突然在台上下跪，他喊住表示：“好多网民唔锺意我喊，其实我真系唔锺意喊，头先嗰一跪系跪我父母嘅，因为冇我父母，呢个世界就唔会有林子善。”期间有工作人员催他长话短说，他搞笑谓：“唔好撩我，一生人得一次，其实我想攞《飞跃》，因为仲可以攞多次男配角。我唔系TVB亲生仔，但我当TVB系屋企，流住TVB嘅血，多谢带我入行嘅周星驰，当时我最冇嘢做，系曾志伟带番我入电影圈。”
林子善在台上自爆不是无綫“亲生仔”，但受访时补充和无綫有艺员合约，多年来高层乐易玲早已视他为家人：“平时倾闲偈都当我系仔咁，嚟梗仲有两年就约满，如果有机会会继续留低拍剧，不过大家都知个bonus好紧，希望多年广告商落广告，畀公司制作多啲好剧集。”提及他突然跪低似吓亲颁奖嘉宾朱咪咪？他不相信会吓到对方，因大家是相熟朋友：“佢见到我攞奖老怀安慰呀。”又指会通知难联络的周星驰他攞奖，但未提及请星爷食饭，而原因是：“以我了解，佢唔食饭，因为佢唔锺意出街，我哋在心中，亦会搵许绍雄、铁马家族，剧集《隐形战队》演员及台前幕后食饭庆祝，（要食足1年喎？）都唔知摆几多围，亦都唔知边个有时间嚟。”