|
港姐亚军朱慧敏(Queenie)2021年同心脏科医生老公结婚,并于去年10月顺利诞下B女Shera,而随着时光飞逝,Shera已经出世2个月,日前Queenie更喺社交网晒出囡囡得意影片,只见囡囡眼仔睩睩、块脸饱满可爱得嚟,仲识对镜头笑同埋伸脷,趣致反应瞬间冧晕唔少网友外,唔少网友都大赞囡囡同Queenie老公饼印一样!只见Queenie晒出囡囡得意影片外,亦分享道囡囡嘅健康成长过程:“SheRa Ra好乖,食得、瞓得、便便畅顺,佢好乖,成日笑,夜晚食完奶就瞓觉。日头瞓醒觉,佢就自己坐喺车仔玩,陪我煮饭洗衫晾衫,陪我食早餐食午饭。多谢你选择我做你妈咪呀,SheRa Ra!多谢上天安排,畀一个可爱乖巧健康嘅BB畀我。呢两个月好多人生第一次,好多新嘅生活方式,我都仲系适应调节中。多谢大家对我嘅支持、鼓励、关爱,够钟喂奶奶喇,再倾。Have a very good day everyone!”而片中嘅囡囡唔止眼仔睩睩好奇外界,仲识得对镜头甜笑,趣致得意嘅反应亦引嚟唔少网友激赞:“BB皮肤真好!”、“好靓女,眼好靓。”、“似足爸爸!仲系加大码!”
|
|