佘诗曼率《女王》兵团迎“新” 冲事业高峰

etin

艺人佘诗曼、高海宁、何依婷、王敏奕于无綫剧集《新闻女王》中各自绽放异彩，2023年闪闪发光的她们，异口同声表示等待着2024年的不一样“新角色”，阿佘望与“Man姐”重遇；新婚的依婷生B顺其自然；敏奕想跟老公曾国祥来一个“爱的旅行”；高Ling坦言冲劲十足，望去得更远。
​视后佘诗曼过往一年继续于事业上发光发亮，《新闻女王》令她“港剧一姐”这个称号更具说服力，人气再度急升。剧集播映后阿佘工作不断，但她愈忙愈开心，她日前接受访问时坦言：“2023年遇上《新闻女王》咁好嘅剧本当然好开心，令我有机会同‘Man姐’二合为一，呢种感觉真系好正。观众锺意睇当然重要，但系我最享受嘅系‘Man姐’同剧中每一个角色都产生咗一啲微妙嘅关系同感觉，成件事好真实，所以喺嗰几个月嘅拍摄里面，我真系觉得大满足！我好希望今年好快可以遇到下一个我，一个有趣嘅人物、令人又爱又恨嘅角色，又或者可以再让我同‘Man姐’遇上，我已经准备好自己，随时再出发。”

过往一年过得很充实，问到2024年想追求甚么？向来孝顺的阿佘谓：“其实真系冇乜嘢想再追求，我只系好想同妈咪去个旅行，希望今年可以带佢去玩吓！”刚刚成为人妻的何依婷入行不久便做女主角，不过她坦言去年做到《新闻女王》徐晓薇这个角色对她来说是最大得着，相当感恩：“可以同监制锺澍佳、阿佘合作真系学到好多，2024年首件大任务希望工作上继续有突破，将之前跟咁多位前辈学到嘅嘢学以致用，其实依家我都已经接到唔少今年嘅工作，之后可以尝试更多嘅嘢就好。其实我想挑战拍古装，综艺或者剧集我都想试吓，因为我从未拍过古装，寄望嚟紧大家可以睇到一个全新嘅何依婷。”

上月结婚完成人生大事的她，坦言婚礼筹备了几个月，现时回想都感到很开心：“都系一个好开心嘅回忆，不过成为人妻对我嚟讲不论工作或生活上都唔会有太大改变，反而我觉得结婚后自己个人放开咗，比起以前更大胆，冇咁怕丑。以前好多嘢需要避忌，怕同男拍档传绯闻，成班朋友出街有男仔又惊会畀人影到乱写，依家系人都知我有另一半，大家同事倾偈、识朋友各样交流都放胆好多。”问到会否希望快点造人成功？她谓：“生BB就顺其自然，唔好急，暂时工作行先，有能力自己搵钱、有自己嘅事业系一件好开心又满足嘅事。”

王敏奕回顾去年工作完成度都相当高，拍了两套剧集及两部电影，而且播出街时甚受欢迎兼效果甚好，坦言幸福又满足：“我上年好似冇停过落嚟，嚟紧我最想做嘅就系希望可以同老公去个10周年旅行，有时间嘅话……哈哈！”敏奕与老公曾国祥各有各忙，经常因工作而分隔两地，她谓：“我同老公都好享受工作，大家都各自努力中，加上对于我哋嚟讲工作忙系好事，所以佢都好戥我开心。生活上我哋系好简单嘅人，放假时静静地感受生活，煮餐饭、睇吓戏已经好开心，低调系大家嘅一种默契，我哋好感恩生命中有对方嘅存在。”而今日正是敏奕的生日，亦是她担演的新剧《旁观者》在港的首播日，她笑言：“希望大家会锺意我嘅演出，今年都系会继续努力拍多啲好戏！Stay hungry stay stupid!”

高海宁（高Ling）去年驿马星动，不停飞密密干，除了于《新闻女王》有出色表现外，拍了一部马来西亚电影《锁战》的她，令更多地方的观众认识她，虽然忙碌，但她都乐在其中。说到2024首要任务，她即谓：“都系继续工作上冲刺，依家真系多咗人认识，多咗人留意我嘅工作，好想趁呢段时间继续接触多啲唔同类型工作，我都想知高海宁究竟可以去得几远，同埋好多嘢我都好愿意尝试，唔识我可以去学，我仲有冲劲、热诚。”她坦言有段时间对自己没信心，怀疑自己，但经历过后，反而多了不少信任、肯定。她亦觉得于《新闻女王》中演了许诗晴这个角色是去年的最大收获：“除咗拍档，成个制作团队都好好，所以套剧成功系有原因，我希望套剧可以攞到‘最佳剧集’，2023年系高海宁好重要嘅一年，令我增添好多自信心、支持同爱。”

高Ling喜爱工作之馀，亦懂取得生活上平衡：“我想多啲时间陪屋企人，多啲去旅行，因为做演员唔可以完全冇生活，生活上嘅冲击同感受可以帮到我哋演戏，所以想有咩发生就顺其自然发生，我系唔会抗拒。（感情上都系？）单身咗咁耐，冇话唔想拍拖，但人愈大唔系话想就有，我唔会刻意去搵去遇，有啲嘢要嚟挡唔住，喺佢未嚟之前，我会专注做好我自己先。”说到2024年的新挑战，她指从来不会局限自己，最想遇到一个关于情绪病或精神困扰的角色：“大家要正视精神困扰，呢样嘢先系最重要，身体上疾病可以靠意志力挨过，但遇到情绪困扰时，又唔系当系一件好大嘅事，佢同感冒冇乜分别，只系你睇到佢时，就要搵专业人士解决咗佢就得。”