郑欣宜圣诞念亲恩 晒妈咪合照：呢排成日梦见你

etin

“歌后”郑欣宜喺今年嘅音乐颁奖礼上横扫各大奖项，事业如日方中之际，却传出“有奖都唔攞”，连续缺席多个颁奖礼外，连社交网都彻底消失，直到日前为动画配音，先喺社交网露脸。而喺圣诞节凌晨时段，欣宜亦喺社交网晒出儿时同妈咪沈殿霞嘅合照。圣诞节凌晨时段，欣宜喺社交网晒出一张儿时同妈咪嘅合照，并写道：“圣诞节系一个与家人同你爱嘅人度过嘅节日。可能因为咁所以呢排成日梦见你。我哋要好好珍惜同亲人一齐度过嘅每一个机会。Wishing you all,a very happy Christmas from my family to you.”而相中嘅欣宜亦戴住圣诞头饰，同妈咪母女装打扮，手拖手咁企喺舞台上，如今物是人非，真系令人不胜唏嘘。