|
视后佘诗曼(阿佘)昨日与杨受成次女杨玳诗等,现身旺角一所学校,与一众癌病学童举行派对,提早庆祝圣诞。席间爱心爆棚的阿佘拥着小朋友们有说有笑,有小朋友更问她:“妳系咪《新闻女王》呀?我要搵妳签名。”逗得她开心不已。谈到圣诞未有趁势狂接job搵真银,反而选择行善及陪伴家人,阿佘坦言:“我都想陪吓屋企人嘛,24号我已经空咗出嚟嘞俾妈咪嘞。而呢个活动我早几年都出席过,希望趁佳节带欢乐俾佢哋(病童),等佢哋多啲正能量,产生多啲健康及开心嘅细胞,积极咁去面对,同埋佢哋嘅家长应该照顾都好辛苦,精绪控制比较好难。”
记者笑问阿佘可想趁佳节脱单,她笑答:“我唔单㗎,身边好多朋友。(追求者好难约妳?)唔知佢哋喎,叫佢哋试吓啦。”至于《新》剧大结局众演员激动流泪,她答:“大家都好俾心机去演,而且又拍得好开心,真系好唔舍得,况咀陈山聪同马国明演得好好,尤其后者我真系唔知佢会用呢种演绎方法。(真系拍续集?)个剧本度咗咁耐,系咪可以咁快,再创作一个剧本超越到呢?相信要绞尽脑汁,交俾幕后创作团队嘞。(嚟紧《家族荣耀之继承者》推出,系咪压力会更加大?)唔会,因为唔系一个人嘅事,收视好与否有好多因素嘅。”
|
|