搵受害人偿还“旧债”︱黄心颖不逃避：我够胆当面道歉！

etin

戴孝在身的黄心颖自发生“安心事件”后，4年来被声讨拖欠许志安太太、马国明一个道歉，但原来这条“旧债”早已还，现更勇于当面再次认错，强调甘愿“跪低”并非博洗底，皆因信因果，亦不怕将来要“还债”婚姻出现第三者。不过，炼到心脏无比强大的她，当提及被朋友“多捅一刀”及亡父时，仍多次崩溃落泪。
​艺人黄心颖第3首自资新歌《I Sleep》MV上架逾两周，在影音平台的评论区有赞有弹，其中有网民留言问“有冇同许志安太太道歉”，可见网民对她依然“咬住唔放”。然而曾被口诛笔伐而患上社恐，精神崩溃到避走美国，返港后由无綫艺人转型独立歌手再出发的她，终于回归幕前接受专访，她说：“好多人觉得我冇做（指道歉），其实好耐之前，我私底下有做到。（向马国明、许志安及佢太太道歉？）系！只系觉得毋须同大众交代啫！（得到原谅？）嗰刻唔会去问，佢有权唔原谅我。（佢回覆系？）呢啲太私人。（冇覆你？）好似冇乜回答嘅。”

至于事隔4年可够胆跟涉事人当面再致歉？她坚定谓：“我够胆，呢一刻嘅我一定够胆，我咁迟先做专访系因为想自己好Ready先，同埋个人够成熟去Handle呢啲事，我可能真系会走埋去当面道歉，不过都要慢慢嚟啦。”她直言以前的自己会逃避，但现时却选择面对，又指已学习到做人做事要顾及后果，以开心也不影响他人为原则，但她的改变并非要洗白，坦言：“犯过错，我努力去改变，完全唔需要洗底，其实系洗唔到，最好记得犯呢啲错误，搵我做坏女人角色都可接受，我唔畀人谂起，佢哋都会谂番起，我唔应该介怀人哋点睇我。”

信佛后的心颖深信因果，问到可担心已婚的自己会遇上“同类事情”？她谓不怕：“要发生就发生，由依家开始做好啲，唔系话棱角被磨平咗，而系醒觉咗。”她又感恩负评锻炼成强大心脏，对毒舌已麻木，不过仍难接受被朋友“补插一刀”，她带泪说：“记得有个幕后‘朋友’叫另一个朋友一定要同我讲：‘你玩完㗎啦，唔好返嚟啦’。其实唔识我嘅人讲唔会咁唔开心，我Game唔Game Over、返唔返嚟都系我决定，咁反而令我更加Strong。”她亦试过被圈中朋友“出卖”，她说：“我覆咗佢机后，第二日就有新闻见报。（系边个？）唔记得啦。”但感恩林盛斌（阿Bob）在“出事”后第一时间雪中送炭，她谓：“佢一句‘有咩可以帮到手’，令我知道嗰一刻仲有人伸援手，而唔系好似唔识我咁。”直言其朋友圈要断舍离。

而再令她伤心落泪，则是至爱的父亲离世，她崩溃谓：“爸爸病咗一段时间，但都好难接受，有好多嘢唔识，佢走之前知我出歌，会做专访，佢系好开心。”亦知爸爸心愿是女儿重新振作，所以就算心情沉重也不再将推迟的工作再拖，又谓：“信人嘅生死，就唔会好执着。”对于外传她患抑鬱症，心颖指在美国时长期失眠、哭泣，甚至想自杀，连拎起电话都要好大勇气，原因是：“接受唔到负评，唔敢睇电话，直至结婚前通知朋友，先知储咗3年冇睇过嘅Message，嗰时精神系有问题，发梦都不停同人Say Sorry，专登整到自己唔开心，我唔信人亦唔想提嗰件事，知冇睇医生系好危险。”不过信佛、爱音乐及获老公支持后已克服心魔。问到曾在的士被偷拍，现可再搭的士？她说：“敢！不过锺意自己揸车多啲，亦唔怕偷拍，只系我老公为保护我，佢先咁紧张啫。”