蔡卓妍“装假狗”咀梁朝伟 叹搵食艰难唔怕成公敌

etin

英皇重量级新片《金手指》的“两王一后”主角梁朝伟、刘德华及蔡卓妍（阿Sa），及参演的任达华、方中信、陈家乐齐出席首映礼，同时举行围方英皇戏院plus+的开幕仪式。在英皇老板杨受成及其太太的带领下，旗下歌手、艺人，分别有泳儿、沈震轩、许靖韵、汤怡、洪卓立、周家怡，超性感的温碧霞，连忙于演唱会中的张敬轩等均倾巢而出，不过因轩仔要保重身体，所以戴上口罩现身。由于众巨星云集，吸引逾千名粉丝支持，人数之多企满三层商场，更有粉丝早于下午约5时已到场霸位，三位主角的粉丝齐齐举行偶像的名牌，声势浩大。在首映台上又进行别开新面的仪式，伟仔及华仔将钱倒入内有一千万的夹万中，而每堆钱，每卷总值有10万及5万元，两大影帝化身点石成金的“金手指”，预祝票房大卖及举行竞猜夹万内现金总额游戏。

饰演伟仔背后女人的阿Sa，造型有大突破，除要扮成熟外，更要“装假狗”上阵，未有机会有睇戏的她受访时频说心情紧张：“我系第一次睇，（同两位影帝合作唔会好紧张？）拍嘅时候又唔系好紧张，紧张自己表现多啲，（要同伟仔咀，成为女粉丝公敌喎？）哎吔，搵食艰难呀，又要装胸作势，头先导演都叫我攞住个胸出嚟同我一齐做活动，因为觉得个胸系一个角色，个胸系特技，唔系摄人去，系黐上去，（装完胸系咪唔羡慕大胸？）我不嬲都唔羡莫，因为我自己都有，做乜要羡慕啫。”问到伟仔和阿Sa拍戏时，可会避免望阿Sa上身？他笑谓：“唔会啩？点会呀？”他又谓拍摄不算太辛苦，只是如以往拍文戏一样，不过有点累：“可能拍摄时想多啲能量，所以比以前辛苦啲。”

至于问到华仔是否多动作戏，他则说：“我又唔系好多动作，得一场激烈啲，都ok，个个都有替身，放心。”虽然不是他从影以来拍得最轻松的电影，但都算拍得舒服，他续说：“都有压力嘅，想自己有啲表现，哈哈哈，（睇完觉得自己表现点？）Very Good啦，哈哈哈。”华仔称已看过新片几个不同版本，由于剪接关系，演员需要重配，至于现时版本是否最满意，他就话：“系导演最满意，好特别嘅，自己睇完就觉得成个能量都高，佢手法好特别，我觉得嗰啲animation（动画）好特别。”问到伟仔对新片的满意度？他说：“我就尽咗力架啦，都ok呀，都满意，我尽晒最大嘅努力架啦。”问到华仔是否同期有另一出电影上映，他无奈说：“冇法啦，两间唔同公司，我都唔想，（担心票房分薄咗？）都担心架，唔系票房分唔分薄，我自己觉得两部戏一齐上，以前都试过架啦，唔好畀人讲讲下，好似两部戏要打咁，最好系两部（电影）都睇晒啦，每部都睇好多次，好啦，讲番《金手指》。”

问到华仔、伟仔为何再没合唱电影主题曲，两人相对无语，互望一轮后，伟仔先开口：“唔知点解，（系咪你唔想唱呀？）我好耐冇唱啦，所以好似唔系好敢，（导演可有要求开金口？）唔系好敢，好似听…，（你唔想？）我唔敢呀。”有人提议华仔畀胆量伟仔，骑骑笑说华仔谓：“我都唔系好敢喎。”他们又说将有谢票活动，不过伟仔又反问：“头先啲啲算唔算系呀？”华仔就答说：“头先嗰啲系啦，头先嗰啲算系点影谢票。”伟仔又谓自己较少谢票活动，不过曾在内地参与过，问到感觉如何？他就话：“冇乜点，都系同观众交流吓，睇吓佢哋有咩睇法咁啦。（谢票场数多吗？）头先我哋都去咗六个院啦，之后都要再去六个院，（惯唔惯？）冇得惯唔惯，都系要咁，顺便睇吓观众有咩反应。”

又谓不介意接受林海峰电台访问时，对方将其作品《阿飞与阿基》搞错为《咖喱辣椒》，伟仔大方说：“唔紧要啦，朝头早，未瞓醒吖嘛。”阿Sa台上接受访问时表示：“开拍前试咗好多造型，今次‘好身材’系导演加嘅，个角色好识得利用自己嘅优势去换取利益，特技化妆每日都要3小时，令我行路嘅姿势唔同咗，觉得帮到个角色。至于被问到跟伟仔拍咀戏时是否好投入？在旁的伟仔谓：“唔系拍咗好多个take啫。”阿Sa则说爆伟仔太太觉得可以咀得更狼死一点，伟仔再说：“你觉得呢个程度啱咪得啰！”